高盛CEO都試過搵intern俾人reject?點樣先可以有個fulfilling career? 四大要素你要知！有咩慘過搵intern俾人reject？就係被人reject兩次！同學仔見住人哋個個入曬Bulge Brackets，而自己咩都無嘅大家可能都會覺得自己已經玩完啦，人人有工開有靚CV寫但自己就miss the shot。不過 有一個人唔同意，佢係Goldman Sachs嘅CEO David Solomon。喺最近嘅NYU Stern’s商學院2023屆畢業禮上嘅主題演講入面，Solomon分享咗佢進入高盛嘅曲折路程。演講入面佢提及到佢喺20幾歲對未來無任何計劃嘅階段，同埋佢成功嘅四個原則。到底包括啲咩？同學仔可以點參考？繼續向右碌啦！每個家庭都想望子成龍 你追求緊嘅係你屋企人嘅期望定係自己想要嘅嘢？作為喺New York Citytown外長大嘅Solomon，其實佢對自己將來無特別嘅想法，頂多可能想做個Rock n Roll嘅鼓手過下日晨，反而佢媽媽就對佢抱有好大嘅期望。天下間嘅爸爸媽媽只要一講起子女將來，其實大家都一樣，少不免都係醫生律師咁上下，特別係佢媽媽係一個好能幹嘅女強人。可惜當時嘅環境未必太有利於女性喺職場嘅發展，所以佢無辦法喺專業界別大展所長。最後呢一團未熄滅嘅火就被強加落Solomon身上。唔知大家對Solomon喺20幾歲嘅經歷有無共鳴呢？到底大家所追求緊嘅人生係真係driven by自己嘅想法，定係只係屬於家人/社會對你嘅期望呢？如果你係Solomon你又會點做？佢最後雖然無選擇媽媽嘅意願，但仍然想成為專業人士嘅佢決定向Business field進發。搬咗去New York City嘅佢就同同學仔依家嘅處境一樣：不停send CV apply唔同工，希望可以搵到地方落腳。無父幹嘅話 成功需苦幹？成功嘅四大要素係啲咩？第一個Lesson：Resilience搵工嘅過程令佢對反省到Resilience嘅重要性。作為高盛CEO嘅佢原來都曾經俾高盛reject過，被拒兩次之餘，仲俾人話佢唔係高盛嘅材料添！39年後嘅佢已經掌舵高盛，就呢個經歷講到：「我哋犯下最大嘅錯就係當工作開始變難嘅時候，就選擇放棄而去搵其他工作。」我哋有好多同學仔成日話自己唔夠自信、Skillsets唔夠好，驚搵工唔夠其他人爭，但其實自信同技能都係靠不停失敗、學習咁訓練出嚟㗎。CV俾人feedback多啲、 Interview試多啲、咁實戰嘅時候都無咁驚啦。當中過程一定會好辛苦，會覺得「個天要跌落嚟」，但只要逆流而上，人生一定會俾返你應該嘅獎勵你嘅。第二個Lesson：Excellence小編自己都有lead過intern，我哋最唔希望聽到嘅就係：「我都唔想㗎」。無論係咪conscious都好，我哋嘅行為都係反映住自己嘅選擇，而Excellence is also a choice。Solomon分享到有一次同高盛爭生意嘅時候，因為個人能力而被高盛嘅Partner挖角。當時佢面對嘅選擇就係：去高盛但要接受降職；或者繼續留喺原公司享受高薪厚職，同學仔又會點揀呢？佢認為Excellence is a choice。職位薪酬呢啲嘢短暫之餘亦會隨時改變，但公司嘅文化、人材、Network先係穩住一間公司嘅核心，所以佢決定毅然跳槽。有好多時間要choose for excellence都相當唔容易㗎，特別同學仔仲後生，未必咁了解公司文化、Talent Development嘅表現，可能會focus多啲係薪酬呢啲顯然易見嘅範疇。如果想搵間excellent嘅公司就一定要做夠research，有insider connection就最好啦！第三個Lesson：EmpathaySolomon認為，如果想喺職場上得到fulfilment嘅話，authentic connection就好重要。喺疫情時期，佢曾經打過俾唔同同事了解佢哋嘅近況，雖然都只係閒話家常，但呢個舉動令同事相當感動。仲有一個tips就係，莫因事小而忽略讚美或者感謝。除咗令到雙方feel appreciated之外，仲可以促進良好嘅長遠關係。同學仔相信將來好快都會lead team，知道多啲practice，做起嘢上嚟都事半功倍啦！第四個Lesson：Spend Your Time Wisely大家會唔會覺得成日唔夠時間用呢？如果用calendar mark返你每日做過啲咩，你嘅時間又用曬喺邊？Solomon認為How we spend our days就等於How we spend our life。雖然同學可能岩岩畢業仲好青春，但青春小鳥一個唔覺意真係會飛得快過火箭，我哋生活上嘅時間成本，可能喺無形中令我哋浪費咗更加多嘅機會，錢可以再搵得返，時間就一去不返啦。Excellence is a choice，如果你由今日起想好好看待你嘅時間，喺呢個暑假spend time wisely，令自己搵工更順利嘅話，就立即去我哋嘅bio link sign up for 一個嘅 consultation call，了解下個coaching program 計劃自己嘅career game plan啦！