📖Career Hackers特約：溫書四大良方📖小編屈指一算，又到咗同學仔考midterm嘅時候啦～溫緊書仲喺度咁得閒碌ig？仲唔比小編捉到你:D 不如咁啦，等小編分享吓4個Steps等你溫好啲書，包你一定唔會食F range再retake個course啦！分開逐少溫溫書更梗係溫得越多越好架啦～咪住先，唔好覺得我發噏風住！當你唔夠時間去預備嘅時候，就要諗下點樣喺有限嘅時間去分配好讀書嘅時間，有效率咁樣完成溫習而唔係做死線戰士。重點嚟啦！其實預早啲時間開始溫書而且隔幾次逐啲逐啲去溫，係可以令你學過嘅嘢更加好咁記入腦。一次過喺考試之前嗰晚chur絕對唔係一件好事，想溫好啲嘅話就建議你最少睇晒你啲notes 5次！你都唔想最尾果日通頂然後第二日冇精神做卷架可？食腦考自己平時溫書你係就咁望幾望呀？定係真係會自己睇完再考返自己識唔識答？有心理學家研究指出，當你睇完notes之後考返自己記得有幾多，係絕對好過你就咁睇無數次嘅notes。所以話溫書除咗吸收咗之外，亦都要做吓mock卷或者pp運用返出嚟test吓自己～費曼學習法溫書嘅時候想知道自己係咪真係溫得熟嘅時候，好多時都會喺心入面問返自己然後試下答。咁當然喺一啲關於事實或者資訊性嘅嘢就好容易check到，識就識，唔識就唔識架啦～但係心理學有一個concept叫做The illusion of Explanatory Depth，當你真係要明白一個concept，就好容易以為自己真係識，但係其實只係識小小扮代表........呢個時候就可以用Feynman Technique：搵張紙寫好個topic之後，嘗試代入自己係你嘅補習學生，喺唔睇住notes嘅情況下盡量用好簡單嘅字或者用比喻寫低成個concept。如果唔識嘅時候，就睇返notes再靠自己寫出嚟，千祈千祈千祈，唔好搬字過紙呀～畫下圖畫亦都幫到你記架～試當真考試唔少同學日臨近考試都會精神崩緊，越嚟越緊張，就好似去返之前考DSE打大佬嘅感覺，呢個時候有咁大壓力再去溫書真係記唔到入腦。唯一嘅方法等自己放鬆啲就係嚟一次模擬番成個考試過程，用Zoom嘅話就整番考試嘅set-up，再試下計時做下mock，咁就可以令你真係考試嘅時候放鬆少少～講咗咁多，其實結論就係大家考midterm考final真係要溫書架！唔好臨急抱佛腳呀，條路自己揀就真係F range唔好喊T_T 想知道更加多呢類型嘅分享，就記得Comment Like & Share，同時follow我哋 @career.hackers 嘅page~ 留名等你哋拎靚龜嘅好消息呀！除咗有靚靚GPA之外，好多公司都要求同學仔要有相關嘅工作經驗同埋特質架，想一次過擁有晒佢哋就記住去報我哋嘅Externship啦！