面試後應唔應該send Thank you letter 📩？黃金時間？要點寫？有咩技巧？

面試後應唔應該send Thank you letter 📩？黃金時間？要點寫？有咩技巧？To send or not to send? That’s the question！難得面試完，好多同學都會好想知道到底自己得唔得，幾時可以知道自己去唔去到下一關或有冇offer，於是就會想send 封 Thank you letter 去試探下個 interviewer 或 HR。人少少認咗佢喇～多謝佢抽時間俾你都係門面客套說話，最想都係show到你既誠意，增加對 recruiters 既記憶點，令你係一眾 applicant 區別出黎，但又怕send 錯嘢。咁到底send唔send好？我地一齊研究一下。對於香港人黎講，可能係因為文化影響，我地相對唔擅長出面appreciate其他人，所以thank you letter 呢個approach只係外國比較適用，又怕會標奇立異，令對方覺竹你太扮野，想刻意阿諛奉承。不過其實我地可以轉一個角度睇呢件事，好比你請朋友來你屋企，佢地離開既時候你都會送人到門口，可能寒暄兩句先講再見，講到尾其實係一種禮貌。對recruiters來講，畢竟佢都喺眾多profile中選擇左你，抽時間同你interview，向佢補返一個簡單既thank you message都唔係好過分。正所謂禮多人不怪，不過當然大家都需要根據情況improvise，小心唔好打錯grammar 或自暴其短。Thank you letter 內容要include D咩？根據你同個interviewer傾成點，你可以係封email到include以下既content：📍感謝 interviewer 所花既時間📍稍微提一提點解你 suitable for the position📍如果係interview傾到某些 topic，如果傾得開心嘅，send下D補充資料，令成封信更加customized📍問application既next step格式又要點做呢？📝 Subject line 要 keep it simple，直接啲 “Thank you for the interview” or “Following up on our interview” 都得，務求一眼睇完。📝 擘大你隻眼Check 清楚你個msg／email，千奇千奇千奇唔好有typo或者 grammatical mistakes。有時自己睇10次都不及一個朋友fresh eye幫你睇一次，或者如果你有join coaching program，就可以俾coach先睇一睇！封信都唔好寫到水蛇春咁長，言簡意賅，以免對方直接因為唔得行而睇都唔睇你篇essay。如果你想用ChatGPT寫，就要注意返語氣同用字，唔好咁容易就比人feel到你都係假手於人。咁最後最關鍵問題就係幾時send喇！🚨 當然唔好太早亦唔好太遲，盡量係24小時内就最好。太早係指你岩岩離開間meeting room，對方就即刻收到果種，會俾人個印象你一定係一早寫好template 求其blast。但都唔好太遲遲到人地都已經唔記得同你既conversation傾左D咩，或者唔好人地臨收工時壓線send，你明的。所以記得唔好拖太耐啦！🚨 雖然叫Thank you letter，不過唔一定要用email既形式，亦都可以考慮through linkedin send比對方。睇到呢到你會唔會將 send thank you letter 放係你既揾工SOP裏面呢？不過如果你覺得連secure interview嘅信心都麻麻，覺得未咁快考慮到thank you letter的話，咁就要留意我地既 coaching program啦！我地嘅coaches 會guide you through 一個又一個application上既難關，唔單單係當刻既揾工需求，更加係build up life-long vision。即到 bio link 了解我地Career Hackers Pro 同我地book 個call 傾一傾！