銀行業搶人才 🏦 New hires 人工更有機會脹3成？你又準備好被人搶未？「搶人才」呢個term已經講到爛，大家都望穿秋水幾時個潮會蔓延到banking industry，但面對美國加息、行業人手過盛、大型銀行重組或好似Credit Suisse merger 咁令到大量行內人才reshuffle，啲banks請人都審慎咗，無論intern定係permanent role headcounts都大減。不過最近終於好似望到曙光，銀行部份部門都開始搶返人，仲加人工三成去搶添！大家又有啲咩可以做去準備自己，成為比人爭住請既人才呢？投資銀行不景氣，其他業務需求大增講到銀行業，有睇新聞嘅都知道美國華爾街嘅裁員已經持續咗一段時間，主要係因為疫情期間美國聯儲放水令市場產生大量資產泡沫，投資銀行因此大量增加，2022年紐約證券業人員甚至達到20年嚟最高水平。但係嚟到2023年，世界經濟放緩導致IPO同埋槓桿收購業務嘅收入大幅下降，加上美國加息導致過去兩個月有部分美國銀行倒閉並重組。華爾街開始轉向Asset Management之類相對穩定嘅業務，相反投資之類嘅高風險業務減少，所以投資銀行同交易部門出現大量裁員。呢個趨勢亦都影響亞洲同香港，多間投資銀行因為中國業務唔景氣而裁員。雖然投資業務不景氣，其他業務都有新氣象。隨住內地通關，內地客到香港開立賬戶，購買Wealth Investment Product同Insurance。令Insurance、銀行分行、back office同wealth management等其他領域有住大量人才需求。再經歷過去兩年移民潮，銀行業各個領域都現人才短缺，傳銀行業有4000幾個職位仲未請到人。金融業工資勁漲咁搶人才都要有資本嘅！隨著對内地業務需求增多，金融業嘅人工係2023年有4.8%嘅平均增長以吸引人入行，係眾多行業中增幅最多嘅，整體人工比作為競爭對手嘅新加坡嘅薪資水平更高。而轉工既時候提出Salary Increment，以前都係around 10-15% raise，近排都出現甚至提升到20-30%添。係呢個不斷轉變既就業環境，應該點裝備自己？正所謂機會係留畀有準備嘅人，就算你唔係讀緊商科，有好多野都係大家平日可以做多少少，令自己距離金融銀行業又接近一步。取得相關實習經驗特別係undergraduate 同學，通過實戰學習行業基礎知識同運作模式，了解下唔同position需要啲咩quality或者技能。最重要嘅係可以親身感受工作文化同認識業内人士，自然喺將來爭取return offer或者應徵其他銀行都會更加順利。再者，如果你個CV有相關實習經驗，會比到之後既employer你可以好快上手既信心，自然比其他applicant有競爭力。跟蹤金融財經新聞銀行業係金融產業嘅一部分，世界各地發生嘅大小新聞都同金融市場息息相關，所以你需要了解財經新聞先可以掌握市場動態，了解各種產品嘅發展趨勢。大家可以將睇財經新聞變成日常習慣，比較知名嘅刊物有Financial Times, Business Insider, Wall Street Journal, The Economist同Forbes。簡單啲嘅話亦都可以Follow下唔同財經相關嘅IG page，就好似我地呢個page都會同大家update下最新資訊。有時候就算係花生新聞，對於平時small talk都會有奇效，所以記得留意我睇啦！揾出你嘅賣點就業係一個sell自己嘅過程，每個人都係就業市場嘅一個product，我地需要知道自己作為一個product嘅selling point。除左skill set上嘅優勢，自己性格上嘅強項、偏好嘅工作模式，知道呢啲都會幫助到做生涯規劃，揾出最適合自己嘅出路，Interview嘅時候亦都更清楚點樣去present你嘅獨特之處。接觸insider所謂識人好過識字，有好多野單純上網做research都無辦法睇到全貌，有好多行内資訊需要接觸呢個行業有經驗嘅人士先會知道，例如咩profile、keyword先係特定公司target嘅對象？又例如行業行情，究竟今年請人情況點樣呢？呢啲都需要行内人士先可以解答到。如果你都想發揮自己既才華，成為發光發亮既金子，就立即去我地嘅bio link了解coaching program，同我地嘅coach揾出屬於你嘅優勢做好career planning，請教更多行業最新資訊，令你嘅揾工之路破勢如竹！