金融界秘密生活大踢爆！？三套精彩嘅金融劇集推介！相信好多同學仔好想知道金融界嘅內幕係咩，例如話啲人係點生活、運作、又或者出名嘅金融事件背後發生過咩事。今次為大家推介三套小編認為比較好睇嘅金融劇集俾大家了解更多！1️⃣Billions 💰呢套劇主要講述兩位華爾街重量級人物之間嘅鬥爭，一位係正直個性強悍嘅檢察官Chuck Rhodes，另一位係白手起家而具有天賦嘅對沖基金大亨Booby Axelrod。Axelrod被懷疑存在欺詐交易行為，而Rhode就想深入調查呢件事，佢地兩個之間就形成左激烈嘅摩擦。故事內容亦都透露咗紐約市政治同經濟嘅格局。2️⃣Succession 🧝🏻♂️呢套劇講述媒體大亨Roy一家控制住世界上最大嘅媒體帝國，亦探索Roy一家的傳奇故事、國際商業來往以及二十一世紀的權力危機。 Roy喺自己80歲生日宴會嘅時候要求子女同意喺家族信托基金加入自己喺外國認識嘅繼母嘅投票權，但係佢嘅子女都極為反對而又互相算計，之後嘅故事都係圍繞喺呢個家族之間嘅勾心鬥角。3️⃣Black Monday 🌑故事背景係關於1987年10月19日嘅全球股災，揭露咗當年嘅經濟同金融狀況。呢套劇嘅其中一個主角係一間股票行嘅老細Mo，佢發現咗有隻股票好有投資潛力，於是用盡辦法想要收購咗間公司，但係佢自己唔夠錢，於是問黑幫借之外，仲要想透過嗰間公司老闆嘅未來女婿Blair身上諗方法。因為Blair好想入股票行業，結果就咁俾Mo設計引佢去咗自己公司度做。推薦呢三套劇比你地喺悶或者無野做嘅時候睇🖥️，咁就可以放鬆之餘又可以接觸到關於金融方面嘅知識。👍🏻