那年盛夏CV嚇親全家 📝 放黑白相？成張亂碼？盤點4大甩轆事故再教你點寫好CV 🥊相信世界上無人想自己千辛萬苦整好份CV，交埋Application出去，卻換來HR已讀不回，石沈大海。CV可以話係HR對你嘅first impression，要留個好印象，喺screening及芸芸求職者中脫穎而出，爭取下一round面試，CV一定唔可以亂寫。Career Hackers都有同HR們間唔中傾吓計，知道原來都有啲人會用「特別」 嘅方法去令HR記得佢（記得only，無下文架喇），今日就等我哋一齊睇下呢啲荒謬絕倫嘅CV，再拆解好嘅CV有咩元素啦！🤣 搞笑荒謬CV逐個睇「CV就係一頁A4 full page 黑白相」♦️ 同學仔如果想加相嘅話，其實細細一張加喺右/左上角就ok㗎啦！不過好多公司而家都uphold fair opportunities，所以都唔太需要同學落相。只係full page真係會有啲震憾…「成份CV都係怪獸字」♦️ 大家記得留意交CV嘅格式要求呀，如果錯咗格式要HR同你convert返就好容易會喺過程中變晒怪獸字。「Remarks話可以唔收第一個月嘅人工」♦️ 做義工係大忌呀！咁樣會顯得你過分desperate，更加係devalue咗你嘅skills，同時都會令人諗你交申請之前，到底有冇深思熟慮自己係咪適合份工，同份工係咪真係啱你呢？「交CV仲送埋花同千字文？」♦️ 如果你要用誠意打動HR/interviewer嘅話，記得唔好咁傻用啲咁嘅方法啊，咁樣反而會留咗個壞印象俾人。真正嘅用誠意打動，其實係要你好好咁準備個面試，話俾人知你可以add value同長遠為公司帶來growth。🧐 搞笑嘅就講完啦，咁實際你應該點樣寫CV呢？其實每日收咁多份CV，一般HR只係有大概6-10秒去scan一份CV，如果你想喺依幾秒中突圍而出，就要緊記以下嘅兩大重點。1️⃣ 用啱格式做storytelling如果你仲諗住用一份CV就可以用嚟apply所有工，少年你未免太天真。其實各行各業都有一套自己嘅標準，而喺CV上加上同份工相關嘅元素就自然可以留返個深刻嘅印象啦。例如你報creative 嘅工，份CV 多啲色彩／designs係會加分，但apply finance and banking嘅職位的話，真係實務型寫achievement就ok，太fancy都無咩用架！CV除咗係一張關於你嘅fact sheet ，都係一個講你自己故事嘅好機會。如果無自己嘅Hacking Script，只係抄 Template，就好易浪費呢個機會，最worse係同學抄完之後唔記得自己寫咗咩先最大鑊。2️⃣ 事實勝於雄辯試諗下HR每日睇咁多份CV，份份都話自己有leadership experience、problem solving skills、project management skills之類，咁叫人點樣唯獨是記得你呢？同學仔記得要列舉實際事例去showcase你嘅skills同achievements，特別係要講下relevant experience、numbers呀，例如manage咗個event係唔夠power㗎，你可以寫幾多人嘅event、parti對event嘅feedback同satisfaction rate去show俾人睇個event有幾成功。如果冇乜工作經驗，都可以list下喺大學搞活動、上莊學到嘅transferable skills，豐富下你嘅CV。好多同學成日都問Career Hackers有無幫人執CV嘅服務，甚至成份CV dm過來問意見，其實我哋及coaches 都相信「授人以魚不如授人以漁」，幫你改一份、兩份永遠都唔會比教識同學你自己識點先寫到份perfect CV咁好！Career Hackers 嘅Hacking Scripts 除咗係教你點寫，更係過程令你更了解自己強、弱項及興趣，用CV寫出最influencial嘅storyline。想了解吓點樣理順你份CV及career，去Bio link book個consultation call 了解下coaching program喇！#careerhackers #cvtemplate #cvtips #resume #careerplanning #careertips #香港 #搵工 #職場 #internship