萬聖節想玩盡佢 🎃 4個學霸溫書Tips 💯 緊接 Mid-term 都唔怕！萬聖節大家諗好扮咩未？Barbie？Oppenheimer？定係學校個Professor? 對於咁多位同學仔嚟講，比起百鬼纏身，更加kick嘅景況似乎係點樣可以盡興同friend去halloween party，但係同時間又顧得掂mid-term考試、presentation、group project 接踵而至！唔好睇少mid-term啊，好多工最後都會都有GPA要求，一個唔小心成個course就可以跌一個grade，到時final追極有限！有見及此，就等小編分享下4個特效溫書錦囊，幫大家慳返啲時間啦！分拆嚟溫溫書嚟講，大家或多或少都會deadline fight㗎啦，小編都係過來人，試過前一晚先通頂喺度咪書。結果係點大家可想而知（蝦蝦蝦）。不過就算大家距離mid-term得返好少時間，都可以盡量將成個溫書過程分拆開幾個sessions，每次逐啲逐啲去溫。呢個方法唔要求你每次溫得好深入，但係重複咁見返同一個topic會加深你嘅記憶，絕對比起一次過睇曬所有嘢，然後一次過唔記得曬更加有效！換言之，喺有限時間之下，你可以將重要嘅內容喺朝早溫一次，下晝溫一次，夜晚又溫一次，咁就包保你一定記得！Active Recall平時溫書你係就咁望幾望，定係真係會自己睇完再考返自己識唔識答？有心理學研究指出，比較四種讀書方法（就咁第一次、重複咁睇、主動回憶、mindmap），自己睇完notes之後考返自己記得有幾多，係絕對好過你就咁睇無數次嘅notes，因為咁先知道自己係咪真係融會貫通。想試下active recall，最簡單嘅方法就係做練習、mock paper、past paper睇下自己識得幾多，然後再喺唔熟嘅地方加把勁。如果想溫得更加仔細，你亦都可以利用唔同website / apps自製溫習flashcard去考下自己㗎！Feynman TechniqueActive Recall固然對於一啲關於事實或者資訊性嘅嘢好有效，識就識，唔識就唔識架啦。但係如果想溫熟一啲比較虛無飄渺嘅concept或者理論又可以點？清concept向來係同學仔溫書難題，好多事大家會以為自己已經熟曬，但係落場考嗰刻先發現自己知一半唔知一半。呢個時候就可以用Feynman Technique：假設你要解釋呢個concept俾一個小朋友，你會點講？你可以搵張紙寫好個topic之後，嘗試代入自己係你嘅補習學生，喺唔睇住notes嘅情況下盡量用好簡單嘅字或者用比喻寫低成個concept。呢個方法可以幫你精煉出自己對個concept嘅理解，同時間亦都訓練緊你嘅邏輯表達能力。遇到唔識嘅時候，就睇返notes再靠自己寫出嚟，千祈千祈千祈，唔好搬字過紙呀～場景塑造唔少同學日臨近考試都會精神崩緊，越嚟越緊張，就好似去返之前考DSE打大佬嘅感覺，呢個時候有咁大壓力再去溫書真係記唔到入腦。唯一嘅方法等自己放鬆啲就係嚟一次模擬番成個考試過程，用Zoom嘅話就整番考試嘅set-up，再試下計時做下mock，習慣咗考試個場景，咁就可以令你真係mid-term嘅時候放鬆少少～Career Hackers 平日都收到唔少同學問自己炒咗GPA 可以點算？希望呢個Post 可以幫到大家溫書上有啲新方法可以試下！我哋不時都提倡如果你用同一個方法報工同讀書都唔順利，再重覆多99次都未必會有轉機，咁就要試下新方法去幫自己！從來未接觸過coaching 嘅同學仔如果都想知自己Career 上有無咩轉機可以準備得更好，咁就去bio link book個consultation call了解吓，一次過幫你📍知道市場最新趨勢及公司文化📍同時了解insider information📍提升自己嘅cultural fit，掌握自己career自己話事！