腦細想的和你不一樣🤯 2023最新畢業生Expected Salary 同實際逗到嘅差近7千銀?有邊個老闆唔想請個人返來係「用蔗渣既價錢，做出燒鵝既味道」？雖然今年老闆們都願意比上年出多5％人工請人，但都同各位大學畢業生期望薪酬 HK$24k 差一大截啊！到底差幾多？邊間U同學出到黎平均月薪最高？一齊睇吓2023年最新數字參考下，等大家答expected salary💰時都有個底啊！🎓首先講下畢業生整體expected salary先啦！CTgoodjobs上年第三季做左個《2023年畢業生薪酬及就業調查》，問卷訪問左來自23個行業嘅217個僱主，及來自本地11間大學及大專院校嘅449個畢業生，原來普遍fresh grad都想平均每月逗到約$24,838 (vs 2022年$20,479)，比上年個期望升咗20%！再同大家分析各大院校嘅數據🏫，當中HKEdU嘅畢業生期望薪酬最高，每月薪金係$28,333！其次係香港理工大學，平均期望每月$27,464！點解咁有自信？可能同教育行業同埋理學相關行業嘅平均月薪一般較高有關。😎不過現實中，「腦細」想的總會同你唔一樣～整體來講雖然僱主願意支付薪酬嘅數字都上升咗5%，由2022年平均每月約$16,457，到今年嘅$17,293，但同畢業生想要嘅都差左$7545！😱咁叫價最高嘅教大同學，僱主係唔係真係肯出多啲呢？並不是！！睇返僱主肯出最多去請嘅人，都係來自HKUST啊！平均每月出$18,538，其次係HKU及CUHK，平均每月分別係$17,991元及17,476！三大都仲係有多啲牙力啊！🔍講完人工，就講埋最熱門嘅行業選擇！同Career Hackers 嘅 followers一樣，無懸念地最多受訪畢業生打算投身銀行／保險／證券／金融行業（15.6%），其次係政府／公共部門／公用事業（11.6%），上年最受歡迎嘅資訊科技／電子商務卻三甲不入跌到第五位（8.2%）！根據其他求職網站統計，商科同管理科畢業生平均雖然冇醫科、牙科和護理科同教育系嘅畢業生人工高，但係同2021年相比，商科同管理科畢業生嘅薪酬升幅最大，按年升12.9%，平均月薪增加$2,750，由$21,333升至$24,083！而當中投行、Private Banking & Wealth Management 都係唔少同學嘅top pick，因為按我哋Career Hackers 同學拎到嘅Front Office offer來講，起薪點60、70k一個月、計埋Bonus年薪過百萬不是夢啊！💵That’s why 點解個個都爭住入喇～Expected salary係interview必問嘅問題，見到雙方期望薪酬嘅落差咁高，大家記得做好啲research，了解咗market trend先make offer呀～ 雖然僱主期望嘅起薪點不似預期，但不少行業，好似finance、banking都有一個穩定嘅晉升階梯，只要你表現好，肯學肯做就好快可以升職加薪啦！作為畢業生除咗睇眼前嘅financial benefits，都要考慮long term career planning。💡特別係想入行ibank或finance嘅你，晉升機會、自己嘅興趣同專長都係你要諗嘅items。想了解更多行業前景、最新請人要求同自己個profile有咩potential，即到我哋嘅bio link 約一個consultation call📞了解Career Hacker Pro Coaching Program 啦。