睇豬肉賣得平定貴 🐖 就知經濟好唔好？天氣凍，大家有冇多咗去餐廳食焗飯？又有冇留意上面舊豬扒，size有冇大份咗？無啦啦講起豬扒，皆因生活中好多野都可以係有趣嘅指標，印證經濟好景定唔好景。要做一個經濟市場研究，可能好多同學都會research識得睇唔同index，例如GDP、CPI等等，但原來豬肉賣幾錢同大家食幾多都可以係一個指標！今日就同大家用豬肉講下點分析內地經濟啦！千祈唔好睇少豬肉價格嘅implication。同學仔可能仲年輕，唔知會唔會聽過爸媽哥姐有講過10幾件前「大家樂一哥焗豬扒飯」嘅潮文，當年高登會員「荷蘭橙🍊」透過mon實美國芝加哥期貨交易所，去推算出快餐店幾時有性價比高嘅超大塊豬扒供應，而唔係出縮水雜扒餐。根據文章所講，餐廳嘅焗豬餐牌不時都會轉名，一時叫「成尺長📏」、一時就咁叫「一哥」、一時連花名都無，唔係fans食開的話，未到個餐送上來都未知舊豬扒幾大塊，甚至係唔係貨頭貨尾！聲稱為咗唔中伏🚫，樓主研究出原來豬扒大細同美國芝加哥期貨交易所上嘅豬肉期貨價錢係有好大關連！只要見到巴西豬肉期貨價大跌，就係準備餐廳可以食到成呎長豬扒既時候了！呢篇2010年嘅潮文仲真唔真可能要再研究多次喇。但不得不欣賞呢位兄台見微知著嘅分析，有好多時候對於唔同議題嘅敏銳度就係呢啲位鍛練返嚟。去到2023年，豬肉又再次擔當起神預言經濟嘅角色🐷。?🐖 豬肉消費量同中產階級有關？！特別係喺中國，豬肉嘅消費量原來反映咗民眾嘅富裕水平同消費意慾。當中有機會係同中國文化中「大魚大肉」嘅概念相關，只有喺好景嘅時候中國民眾先至會賣得多豬肉同埋相關嘅食物製品，否則就係「鹹魚白菜也好好味」。而家中國嘅豬肉消費量幾乎係40年前嘅5️⃣倍，當中就正正反映咗中產階級嘅崛起。🥓 喜慶節日唔食豬可能係經濟亮起咗紅燈近年有唔少報道同埋調查都指出中國係疫情後嘅經濟復甦不似預期，喺過去嘅中秋同埋國慶相連嘅長假期，豬肉嘅消費量就證實咗呢個消息。1️⃣ 上海嘅豬肉批發商指出民眾對於豬肉嘅需求減低，即使係長假期同埋節日之前都冇出現囤貨潮2️⃣ 中信期貨嘅報告指出廣州生鮮市場長嘅新鮮豬肉銷售緩慢，大批豬肉去到下晝都仲未賣完3️⃣ 大宗商品諮詢公司Mysteel亦都表示國內屠宰場接到嘅訂單比預期嘅少🧐 再睇返國內居民消費價格指數 (CPI) 真係同豬肉嘅銷售、價格有正比嘅關係。根據國家統計局11月初公布嘅數字，10月CPI按年下降0.2%，事隔兩個月再度出現通縮。CPI嘅下跌主要係受到食品價格嘅影響，各類食品嘅價格按年跌咗4%，當中豬肉嘅價格跌幅就最明顯，急瀉左30.1%，直接影響左CPI。有行內專家指出11月豬肉批發價格都會持續下跌，不過都有人持觀望嘅態度，因為農曆新年將近，民眾對於臘肉嘅需求會喺年底左右出現，有望提升豬肉嘅銷售同消費量。好多同學仔成日問我哋要點樣先可以緊貼市場嘅發展，睇specialised in finance嘅news channel固然重要，但係都唔好忽略咗生活上嘅小智慧👁️。大家嘅生活指數其實就係經濟好壞嘅最準確指標，好簡單嘅理論當你賺嘅錢少，而貨物嘅價格昂貴，自然你就會對消費保持更加謹慎嘅態度🤨。除咗豬肉需求疲弱同經濟困境跡象有關，其實坊間仲有其他得意理論例如「高跟鞋經濟👠」，指美國IBM嘅一項調查發現，原來女仔高跟鞋嘅高度係同美國經濟增長曲線相關，經濟好嘅時候女仔高跟鞋嘅高度就會下降，反亦然之。有人話係因為經濟差，女士會以Shopping去紓緩壓力，買高跟鞋就係其中一項。但亦有人唔同意，話應該要經濟好，女士先多應酬，要買高跟鞋去用。但講到尾，唔同嘅經濟條件下消費觀同心理狀態嘅轉變，都反映咗整體嘅經濟狀況👓。如果同學仔想知更多有趣資訊，除咗follow 我哋Career Hackers IG，都可以到bio link 約個call 了解coaching program，平時都會搞多場認真嘅news awareness discussion，講下行業最新情況／市場趨勢，幫大家面試或Assessment Centre做好準備！🙌🏻