盤點去英國做嘢可以申請嘅五大Visa 🇬🇧疫情好轉後，唔少國家都開始重新向海外畢業生拋出橄欖枝，希望引進更多人才同新血，其中當然包括為港人熟悉嘅英國啦。如果本地同英國畢業生想把握機會去英國做嘢有啲咩Visa選擇？我有無BNO、讀邊間大學又有咩分別？咁就要繼續睇啦！喺英國讀書嘅你啱啲咩Visa?Post Study Work Visa (PSW)如果你本身係喺英國讀過書，你就可以申請PSW簽證，留英兩年繼續發展。而如果你想繼續進修，攻讀博士學位的話，亦可以靠PSW簽證留英長達三年。如果唔喺英國讀書，又無BNO咁點算？High Potential Individual (HPI) Visa對於本地畢業生，大家一定唔可以錯過去年推出嘅簽證，即係HPI，Visa嘅年期視乎學歷為2至3年，同學可以更彈性搵工同決定發展方向。成功申請到HPI嘅全新工作簽證計劃，可以例如：．喺英國從事大多數工作 / 自僱創業．攜帶家人一同赴英生活HPI申請資格與要求？．申請人無需要持有BNO或Job Offer．簽證嘅費用為715英鎊（約7,089港元），另需外加移民健康附加費．成功獲得簽證嘅申請人可以攜帶家屬，但必須有至少1,270英鎊（約12,395港元）的資產證明．簽證嘅申請人須通過安全和犯罪紀錄檢查，並精通英語，至少達到B1中級水平．簽證申請人必須滿足嘅一個條件係：畢業該年所就讀大學必須喺以下三個高校排名榜嘅任何兩個入面名列前50名，但因為排名每年不同，因此HPI簽證喺唔同年份適用於唔同嘅大學。依三個世界高校排名榜分別係：《泰晤士報》高等教育世界大學排名（Times Higher Education World University Rankings）、QS世界大學排名榜（Quacquarelli Symonds World University Rankings），以及世界大學學術排名（The Academic Ranking of World Universities）。而香港嘅大學喺2023年亦有2間符合申請資格，分別是香港大學以及香港中文大學。如果你唔喺英國畢業，大學又唔喺HPI個List入面，咁點算好？Skilled Worker Visa申請成功後可以持有該簽證最長達五年，需要注意呢幾樣嘢：．申請人需獲Job Offer，而該受僱公司受英國政府認可．顧主需提供Certificate of Sponsorship．最低工資為每年£26,200 (約每年260,000港元)．個人英語程度需要至少達到B1中級水平，或通過SELT，包括IELTS手持BNO嘅你又啱咩Visa?持有 BNO 嘅港人與其家人可以透過 BNO居留簽證，一次過申請 5 年有限居留許可，或者分開 2 次 30 個月居留。於 5 年內留英工作或讀書，之後更可以申請定居，住多 1 年就可成為英國公民。HKBN(O) Visa嘅申請條件：．擁有BNO護照．有至少 6 個月嘅財務支持．獲英國認可嘅醫療機構發出嘅結核病測試證書（TB Test Certificate)．繳付申請費用和IHS（Immigration Health Surcharge ）健康稅費用．無嚴重犯罪記錄不過就要注意期間每年無辦法離開英國超過180日，亦唔能夠領取Public Fund（包括房屋津貼、稅務寬免、失業救濟金等)，所以都要審視一下啱唔啱自己呀。專注課外發展又有獲獎嘅你可以有咩Visa啱？Global Talent Visa如果你係學業及研究、文化及藝術、數位科技呢三個範圍有以下傑出成就的話，英國政府亦好大機會推薦你申請Global Talent Visa：．學業及研究：撰寫過有關醫學、工程、人文等範疇嘅研究報告並得到UK R&I認可。．文化及藝術：獲得由英國或國際Institution抒予嘅獎項以及由業界專業人士推薦信，範疇由演藝、時裝、攝影不等。．數位科技：獲得ACM Prize in Computing & Turing Award等有關獎項嘅list實在太長，如果同學仔以往有拎過唔同獎項就記得上英國政府嘅官方網站引證認可與否啦！英國好唔好景？講起英國嘅商業環境，當然要講吓COVID帶嚟嘅影響啦。至2023年Q1，歐洲超過4成國家嘅GDP呈負數趨勢，而英國則相反，至上年已經回升咗3.8%。而負責商業投資嘅行業 - Sale & Trading (S&T) 就當然有受益啦，到底S&T呢行做啲咩？ 其實佢係隸屬於投資銀行的其中一個部門，主要集中於短期嘅投資活動，並由Sales負責整理及向客人推銷產品，Traders則會負責按照客人嘅要求行使交易。對英國工作或者S&T有興趣嘅你，一定唔可以錯過我哋嚟緊嘅Webinar啦！我哋邀請到喺Cambridge畢業，依家喺英國做緊Global Markets嘅Vamsi 分享《Breaking into Sale & Trading in London》同埋點入行，名額有限，立即到Bio Link 報名喇！