盤點八間Commercial Banks一文了解市值、重點focus 範疇如果同學仔有留意我哋上一個post嘅話，相信大家已經對CMB有基本嘅認識。今次我哋將會一次過講吓8間同學最常報CMB嘅銀行近年表現、各自市值、AUM及少少背景，俾大家一次過了解market landscape，報工面試都打定個底！HSBCAssets Value:$2.989TMarket Cap:$153.77B匯豐嘅CMB遍及54個國家同地區，提供跨境貿易和treasury services，而匯豐嘅financial strength都支援到好多客做貸款、acquisition、從stock＆bond markets籌集資。響Global Trade and Receivables Finance／Global Payments Solutions／Markets and Securities Services／Insurance and Investments／Banking 都有支援。BOCHKAssets Value:$4.422TMarket Cap:$149.06B80年代以來，中國銀行透過香港中銀集團喺香港經營商業銀行業務，造就咗香港規模最大商業銀行集團之一。要數最近中銀動向，其中一個就係最近中銀香港夥拍咗AlipayHK，透過電子錢包交易數據簡化貸款審批流程，解決中小企客戶因為提供唔到貸款抵押品或財務資料而面對融資困難嘅痛點。呢類型新聞有咩implication，同學有咩睇法，其實報工時都有機會問起㗎！CitigroupAssets Value:$2.455TMarket Cap:$93.91BCitigroup喺香港最大嘅外資銀行，而佢更喺今年將會為CMB Unit大批招聘新血，人數達近百人。佢哋嘅Head of CMB HK Anson Kwok表示，大灣區有利於CMB前景，Corporate Clients嘅數量已經回升返至COVID前嘅水平。新客戶其中有39%來自大灣區，15％來自內地，範疇產業來自生物科技、雲端科技、教育及AI等。Anson認為大灣區將會係Citigroup來年發展嘅重點，亦需要招聘大量人才去輔助現有客人設立喺香港嘅子公司。DBSAssets Value:$560.99BMarket Cap:$59.57B星展銀行喺新加坡最大嘅CMB，主要提供企業銀行同財務金融服務，包括流動資金融資嘅短期銀行信貸服務。星展銀行亦當重視Management Associate嘅培訓。以往入職嘅MA都有機會喺新加坡總部受訓實習，例如投資服務、各類戶口及存款，以至企業或私人銀行服務等部門，仲有機會獲派往其他亞洲分部實習，至今呢個program都仲有每年開緊㗎。Bank of CommunicationAssets Value:$1.987TMarket Cap:$55.21B交通銀行係中國六大銀行及歷史最悠久銀行之一，集團業務範圍涵蓋商業銀行、證券、信託、金融租賃、基金管理、保險、離岸金融服務等。UOBAssets Value:$377.06BMarket Cap:$34.89B大華銀行(UOB)於1965年喺香港成立佢第一間海外分行。銀行近年都極力發展 Wealth Management、Corp banking及 Capital Markets嘅產品＆服務。由於新加坡銀行比起美資同港資銀行更無咁受中美關係及環球事件影響，食埋一帶一路發展的話，新加坡地理及文化上都有優勢，亦會傾向請熟悉亞洲文化嘅員工。恒生銀行 Hang Seng BankAssets Value:$242.81BMarket Cap:$27.61B恆生除咗為企業客戶提供商業銀行服務之外，亦致力將ESG元素加入服務。最近佢哋都有全新商務理財中心，為企業客戶提供Green Financing、ESG諮詢服務、綠色貿易融資等服務，共建可持續嘅商業發展模式。恒生上年批出嘅企業綠色貸款及可持續發展表現掛鈎貸款金額，按年增長175%至170億港元。渣打銀行 Standard CharteredAssets Value:$820.67BMarket Cap: $24.42B渣打集團係一間擁有超過150年歷史嘅英國跨國銀行，但佢喺英國本土嘅市場佔有率偏低，約90%收入都係嚟自亞洲、非洲同中東地區，並為呢啲地區帶動投資、貿易同創造財富嘅客人及企業服務。渣打香港CEO禤惠儀話，目前香港約有5,800名員工，預計今年貸款同財富管理需求將出現良好成長，所以會再請多約300至500名員工，主打FinTech及ESG。以上數據都只係講緊大環境，但實際上落到每個roles及晉升機會當然又係另一個topic，如果你都想知道更多，甚至係有啲咩Tips可以令自己perform得好啲呢？招聘季應該點樣準備？就唔可以錯過我哋明天嘅Webinar by HSBC CMB VP Coach: Path to Success in Commercial Banking - Roles, Skills & Growth Potential，即到Bio Link報名喇！