最新QS Ranking 2023 + 英國簽證新計劃毋須持有BNO？香港有幾間大學嘅學生可以申請😆？！世界高等教育研究機構Quacquarelli Symonds (QS) 喺2022年6月9日公布咗2023年度嘅QS世界大學排名。QS世界大學排名係由6個指標作指引，繼續採用學術、僱主評價、論文引用率、師生比、國際學院佔比及國際學生佔比。今年一共收集逾15萬名學者及近10萬名僱主意見等，最終有1,418間院校上榜，屬於最大規模嘅一年。當中排行榜首位仍然係由美國麻省理工學院（MIT）奪得，麻省理工已連續第11年成為全球第一名🥳！➡️至於香港嘅大學亦有5間成功躋身排行榜中首100名😎，包括：香港大學、香港中文大學、香港科技大學、香港城市大學，以及香港理工大學。🔸港大排全球第21位 竟然創歷年來最高排名😆?!有第一學府之稱嘅香港大學由2022年嘅全球第22名，上升一名，排係全球第21名，亦係歷年來嘅最高排名。🔸中大反超科大成為全港第二😨?!香港中文大學由2022年嘅全球第39位，上升一名至全球第38位，反超香港科技大學成為全港第二。而香港科技大學則下跌六名，由上年排全球第34位跌至今年第40位。🔸城大排名繼續跌 理工排名反上升?!香港城市大學由2022嘅全球第53位，下跌一名至今年第54位，而香港理工大學則由2022嘅全球第66位，上升一名至今年第65位。世界各國都為咗增強競爭力而爭奪人才，唔知各位同學有冇留意到英國嘅簽證新計劃，唔需要持有BNO就可以去英國兩年開下眼界？對於想去英國發展嘅同學就記得要繼續睇埋落去啦，順便like埋再share俾朋友知啦❤️～➡️英國最新推出名為High Potential Individual，簡稱HPI 嘅全新工作簽證計劃，並喺2022年5月30起啟動，容許海外大學嘅畢業生喺未獲英國公司嘅正式錄取前，已可申請英國工作簽證，合資格嘅申請人更可攜帶家人一同赴英🥳！多間頂尖大學過去5年嘅畢業生都可以申請，簽證年期視乎學歷而定，大概為2至3年。學士畢業生可申請2年，博士生為期3年，工作一段時間後可申請延長簽證。英國財政大臣Rishi Sunak表示，新簽證計劃有助英國發展，成為領先國際嘅創新﹑創意及企業中心，希望吸引更多學生前來發展事業。🔺新工作簽證嘅特點？🧐根據英國政府嘅規定，成功申請到HPI嘅全新工作簽證計劃，可以：．從事大多數工作．喺英國搵工．自僱創業．攜帶家人一同赴英，喺英國生活．做義工．出國旅遊並返回英國大家係咪都心郁郁想攞依個英國嘅新工作簽證😉？咁接下來小編就會介紹下申請資格同埋要求啦😆！🔺申請資格與要求😉1️⃣簽證嘅費用為715英鎊（大約7,089港元），另需外加移民健康附加費，依項費用允許移民到英國後嘅申請人使用英國嘅國民保健服務（NHS）。2️⃣成功獲得該簽證嘅申請人可以攜帶家屬，但必須有至少1270英鎊（大約12,395港元）的生活費或者資產證明。3️⃣簽證嘅申請人必須通過安全和犯罪紀錄檢查，並精通英語，至少達到B1中級水平，即可以「與英語母語使用者流暢交流」。4️⃣簽證申請人必須滿足嘅一個條件係：畢業該年所就讀大學必須喺以下三個高校排名榜嘅任何兩個入面名列前50名，但因為排名每年不同，因此HPI簽證喺唔同年份適用於唔同嘅大學😎。依三個世界高校排名榜分別係：《泰晤士報》高等教育世界大學排名（Times Higher Education World University Rankings）、QS世界大學排名榜（Quacquarelli Symonds World University Rankings），以及世界大學學術排名（The Academic Ranking of World Universities）。而英國政府嘅官網同時都喺2022年6月9日公布咗2021年合格嘅大學名單，香港大學係本港學府中唯一全部年份都上榜，香港中文大學（2021年）同埋香港科技大學（2016年至2019年）嘅畢業生就要睇下年份啦🥺。所以，如果希望攞到HPI簽證嘅同學記得要留意下自己嘅大學有冇符合英國政府所公佈嘅大學名單啦😆～咁最穩陣就係讀HKU嘅畢業生，而CU同UST嘅畢業生就要睇下畢業年份啦～ 咁當然啦，亦都希望香港可以有越黎越多大學符合👆上面第四個條件啦😎，城大QS排名最近幾年都非常接近前50名，但係高等教育世界大學排名同埋世界大學學術排名就需要加把勁啦！希望多啲同學可以唔洗BNO都可以靠HPI簽證留喺英國兩年開下眼界啦🥳～最Update資訊盡在 @career.hackers， Follow 實我哋喇！