最新CFA課程變動！📝 合格率得41%值唔值得考？咩人最適合報？

最新CFA課程變動！📝 合格率得41%值唔值得考？咩人最適合報？想入finance嘅同學仔一定聽過咩係「特許金融分析師」（Chartered Financial Analyst, CFA）。CFA咁威威除咗因為佢係金融界最受青睞嘅資格認證之外，亦都係因為佢出咗名難考！每一年CFA嘅課程內容同考試都會更新，所以要retake都唔係話咁易。不過，大眾對於考CFA值唔值得，睇法就好兩極，畢竟喺過程入面考生都要付出唔少時間同考試費。今次，就等我哋同大家分析下2023年最新嘅課程變動係啲咩，同埋究竟咩人會適合去考啦！咩係CFA？2023課程變動CFA係美國CFA Institute所推出嘅專業資格。佢分為三個認證，Level 1係最初階，要考取Level 1先可以考Level 2，如此類推。另外Level 2、3要求考生已經有工作經驗，所以未畢業嘅同學仔只可以考Level 1。完成曬三個Level嘅考試就可以申請為CFA Charter Holder。考核嘅內容非常廣泛，包括經濟學、財務報表分析、企業財務管理、股票投資、衍生工具等十個範疇。喺最新一年嘅課程入面，Level 1嘅內容加深咗，而且cover嘅嘢亦都多咗。首先，佢哋加咗新嘅reading，例如：地緣政治概論、企業架構，同埋Business Model，舊有嘅Fintech reading亦都加多咗DeFi同blockchain等等嘅內容。除此之外，某啲Level 2嘅課程內容亦都轉移咗去Level 1，就好似Linear Regression、Capital Structure、Captial Budgeting、Return Concepts等等。整體而言，隨著時代進步，考Level 1要識嘅嘢都越來越多。考CFA嘅三大好處就咁睇，CFA嘅課程廣而深，一般嚟講每個level都要投放300個鐘去應付個考試。但係由於合格率低，又唔係報工requirement，有啲同學仔都會問我哋值唔值得花呢個時間去考？不過有啲嘢就係難度越高，越有價值去做！出類拔萃：正正因為難度高，少人做得到，所以做到嘅就代表你有返咁上下料到，除咗證明到你有專業知識同能力，亦都話緊俾雇主知你可以喺讀緊書 / 做緊野嘅同時應付到一個咁demanding嘅考試。如果你係fresh grad嘅話就更加impressive㖭！CFA亦都係一個世界各地都認受嘅資格，考到Level 1嘅人平均人工都高30%！Career關聯性：實際啲咁睇，喺香港金融界打滾需要向「證監會」申請牌照，不過考到CFA嘅話就可以豁免某啲牌照考核！對於一心想入投行嘅同學，CFA嘅課程內容更加係好有關聯。無論你係想入ibank嘅邊個division，CFA嘅內容都會cover到你最需要嘅知識，等你活學活用。轉行第一步：若然你本身無乜finance底，但係想轉行嘅話，CFA就係一個幾好嘅資格證明你真係有專業知識，唔係玩玩下，俾到雇主一個信心保證。而且課程嘅內容廣而深，幫你打好根基。想知道自己嘅情況係咪都適合讀CFA？我哋Career Hackers嚟緊5月20日9pm HKT會搞個webinar【Should You Take CFA Level I in 2023/ 2024?】，邀請咗本身教開CFA，有超過20年經驗嘅high-yield fixed income fund manager —— Alex，以佢嘅經驗同大家分析：➡️ CFA課程內容詳細解釋➡️ 課程內容對於唔同finance role有咩關係（IBD, S&T, Equity Research, Private Banking, Asset Management等等）➡️ 將CFA認證擺落CV有咩好處、唔好處？➡️ CFA係咪適合你讀？➡️ 點樣讀先可以避免CFA Level 1嘅考試陷阱？如果仲諗緊應唔應該讀CFA嘅話，不如去bio link join我哋個webinar問Alex攞啲意見啦！