新Webinar: 探討Private Equity, ibanker exit option & undergrad直入PE

有新Webinar!一文探討Private Equity係咩最受歡迎 ibanker exit option？點樣undergrad直入PE？好多人入ibank其實唔係打算做成世，而係希望以ibank作為踏腳石，跳去其他機構、界別，呢個先係佢哋嘅終極目的。其中一個ibanker好鍾意exit嘅地方就係Private Equity（PE）。究竟點解咁多ibanker想轉去Private Equity？今次就等我哋介紹下Private Equity係做啲咩，點解咁吸引，有興趣嘅同學仔就記得留意我哋嘅webinar講解點入行啦！Private Equity做啲咩？簡單嚟講，Private Equity firms會先幫投資者買起一啲已經相對成熟嘅公司，成為大股東，然後透過改善營運或者分拆公司業務等等唔同策略去增加公司整體價值，再喺約3-7年後將公司賣返出去 / 上市賺取投資回報。好多時，Private Equity Firms除咗用自己同投資者嘅錢買起啲公司之外，亦都會向銀行借錢去做Leveraged Buyout（LBO）。國際上嘅大PE Firm有Blackstone、KKR、Carlyle Group、Apollo Global Management，而喺香港比較出名嘅就有Gaw Capital。不過PE firms喺香港都相對少做LBO，反而會聚焦喺地產投資，透過買起、重建、翻新特定嘅地產項目，然後再賺取租金收入 / 賣返出去。同地產商唔同嘅係：PE firms作為私人投資公司，佢哋嘅資金唔係嚟自public market，流動性無咁大，亦相對無咁多規管；而且佢哋唔會好似地產商咁無限期hold住某地產項目，往往喺若干年後就會賣咗去。Private Equity點入行？PE通常係ibanker嘅exit option之一，因為PE firms好需要一啲有經驗嘅人去做financial modelling、deal analysis、due dilligence等等嘅工作。佢哋對於入行嘅人都好有要求，收得嘅往往都曾經喺美資投行做過investment banking division analyst。雖則話係exit option，但係PE嘅人工係少過ibank㗎！平均咁睇，PE嘅base salary約5萬港幣，比起ibank嘅7萬港幣低足2萬蚊！咁點解仲有咁多ibanker願意放棄投行嘅工作轉去做PE呢？人工低啲都仲做？工時相對短啲ibank無錯係高人工啲，但係亦都非常辛苦，忙起上來每一日可能要chur足16個鐘以上，除咗要面對嚟自上司、客戶嘅要求，分分鐘仲會因為個經濟環境同外在因素隨時俾人炒，實在好大壓力。頭幾年可能都無問題，但係年紀大啲又或者有家庭顧慮嘅時候，就未必係大家想要嘅生活方式，所以有唔少ibanker都會轉去工時相對短啲同穩定啲嘅PE firm。長遠得益另外，人工雖然低啲，但係PE firm有樣好嘅就係Carried Interest（Carry）。Carry係當間firm喺某個投資項目賺到利潤，啲MD / Partner /甚至VP可以分到嘅紅利。一般個carry pool係成單deal嘅20%利潤，然後每個人再喺呢20%得到特定嘅比例。假設單deal嘅利潤係有10億，個carry pool就有2億。如果一個VP可以攞到carry pool嘅0.5%，就即係1百萬，仲未計本身嘅base salary同bonus！當然，都要睇返你係咪有份負責單deal，同埋本身嘅年資。唔係一開始入嚟嘅analyst就有得攞carry，通常要升到VP以上先會有，但係長遠咁睇，喺一間PE firm做得長，而且你跟得多deals嘅話，個回報係一定大過喺投行。正因為咁，入PE嘅競爭其實好大，而想入嘅人都唔會介意頭嗰幾年收入少啲。有幾年投行經驗嘅ibanker都尚且難入PE，更可況係啱啱grad嘅同學仔？不過，我哋嘅coach Sherwood就正正係萬中無一喺undergrad嘅時候已經攞到PE offer！嚟緊我哋將會同Sherwood喺4月22日9pm有一個webinar【The Complete Guide to Private Equity 2023 / 2024 (HK, London, SG)】喺入面，Sherwood會分享下佢嘅入行心得，同埋點解佢會拒絕BlackRock PE嘅return offer，去咗Oliver Wyman (London) 做consulting，同埋美國做trading嘅經歷，仲有：．Private Equity嘅實況 (HK, US, UK)．PE各個function同role嘅工作．入PE要識啲咩technical concept．比較PE同IBD、Hedge Fund、Venture Capital．點解就連Oxbridge嘅同學好多都入唔到PE / IBD想知道Sherwood點樣喺undergrad嘅時候已經攞到PE offer同埋你可以點樣參考佢嘅方法，就唔好錯過，快啲去我哋bio link報名啦！