想創業但無頭緒？5本 Start-up 必讀書本推介同場加映全新Global Entrepreneur Program！Career Hackers幫人做coaching攻入Bank／Bus／Fin行業大家聽得多，但一定有人咁諗：我唔要一世幫人打工！我要創業！CAN！但自己build一間公司真係唔係有錢有熱誠就得，不如睇下推介嘅呢5本做Start-up 必讀書本學師先啦！睇到尾仲有獨家機會啊！1.The Lean Startup好多人創業時都唔係由有大量資金開始，而呢本書就係闡述點樣用最少嘅資源，喺預算有限情況下，以scientific approach更有效利用資本同human creativity去經營你嘅startup，亦會提到唔同嘅Tools協助你轉換方向甚至走出surviving period。而作者 Eric Ries寫書時都係以企業家嘅角度出發，令大家更易理解entrepreneurship。呢本書自2011年出版以來，長期佔據 Amazon bestseller 同埋創業類別書籍前10名，並非浪得虛名！連前通用電氣CEO Jeffery Immelt都話佢會要所有Managers都睇呢本書，仲有2個哈佛商學院嘅教授做過推介，形容佢嘅 prescriptions「practical＆proven」。唔少讀者大讚本書雖然學術感幾重，但都有real-life案例輔證。2. The Hard Thing About Hard Things作者 Ben Horowitz係矽谷其中一個最受尊敬及有經驗的企業家，分享自己創立、運營同管理科技公司嘅故事，提供學校唔會教嘅實用建議同Wisdom。就好似書名一樣，提及到好多針對經營新業務時會面對嘅difficult decisions，例如處理請人同炒人嘅問題、面對一個好聰明嘅人卻係bad employees時應該點做、點樣出售公司等等，無論係veteran 定係岩岩打算創業都適合閱讀。呢本書2014 年出版時已立即登上Business Insider嘅Best Business Books 及Entrepreneur嘅 25 Amazing Business Books排行榜，大讚書本俾到insider’s perspective同最誠實嘅management advice。3.Zero to One: Notes on Startups, or How to Build the FuturePeter Thiel係PayPal嘅co-founder，亦係Facebook早期投資者，無論係專家定係讀者嘅評價，都覺得呢本書其中一個賣點就係作者有好多challenging及innovative 嘅crazy ideas，唔單止可以感受到Thiel嘅passion，佢嘅想法全部都有令人信服嘅justifications，雖然內容比較針對想建立tech startup嘅人睇，但無論咩行業都可以從中吸收到不同value及vision。Mark Zuckerberg 同Elon Musk都推介過，亦有唔少讀者大讚本書只有200多頁，睇得相對輕鬆。4. Traction: Get a Grip on Your Business作者喺書入面分享嘅都係圍繞住一個佢稱之為EOS (Entrepreneurial Operating System)嘅系統，幫企業家有系統同邏輯地break down 點樣掌握業務同gain traction，亦對最常見障礙提供solutions，例如對時間、市場、人手失去控制點算、被拖延交易或有溝通困難點處理、增長突然停止下一步做咩等等。作者都話最大目的係幫人建立一個start up係毋需完全依賴CEO，可以獨立地持續發展。好多讀者建議本書分幾次睇，第一次快睇掌握concept，之後先慢慢研究details。5. Your Next Five Moves: Master the Art of Business Strategy與其諗定後路，不如提前諗定5 Moves Ahead，無論係創業定計劃人生呢點都非常重要。作者相信成功嘅人在於有能力預測佢嘅行業未來會變成咩樣，確保戰略正確實現目標，保持領先地位。書入面提到三個關鍵要點分別在於有系統地解決問題的能力、賦予團隊責任及期限、並將企業建立喺系統和程序之上推動價值增長，最後呢一點同前一本書作者似乎英雄所見略同喎！不過讀萬卷書不如行萬里路，直接learn the Silicon Way就最有效率！Career Hackers 將會推出一個為期6星期的Virtual Global Entrepreneur Internship Program，俾同學去Global Start-up度做！當中 Partners都係來自 Forbes 30 under 30、Y Combinator等，見識到Silicon Valley公司係點樣run，同時了解香港ecosystem，結合我哋career coaching，呢啲實際經驗仲唔幫你set好個勁爆嘅foundation！想參加就到Bio Link 報名啦！