商業「暗黑心理學」參加 Case Comp／Internship 都用得！

「暗黑心理學」呢個term早幾年曾經風靡一時，畢竟呢種「操控」他人思想、達成自己目的嘅「superpower」，聽落點會唔吸引～😈 但讀business嘅你，又知唔知business world其實都可以有好多「暗黑心理學」? 學識運用自如，分分鐘幫你喺職場上如魚得水！

想知祕技就睇落去啦！🤫

😈幫你個客做埋選擇？

「Double Bind」呢個心理學理論係指：當一個人同時收到兩個互相矛盾嘅信息，佢會被迫進入一種難以正確辨別信息矛盾嘅情景之中，感到困惑並無法做出理性判斷。

將呢個theory套用喺business上，我地可以利用「二選一」嘅strategy，巧妙咁促使顧客盡快做出選擇。最簡單一個例子，大家去茶記食lunch，你點完嘢食，個侍應姐姐一來就問你「飲熱飲定凍飲？」但原來熱飲同凍飲都係要加錢嘅，而姐姐個問題根本就冇俾到「唔需要嘢飲」呢個選擇俾你，其實就已經係推動緊你做出「加錢買嘢飲」呢個選擇。🤯

😈今時今日嘅服務態度點先夠？

研究顯示，73%嘅消費者更加重視「customer experience」，而唔係「價格」同「產品」本身。唯有透過更加personalised、更加貼心嘅服務，我地先可以打動顧客嘅心，喺激烈嘅同行競爭中突圍而出！而講到喺呢方面做得最出色嘅，就唔可以唔提「海底撈」啦～

排隊等候嘅時候，提供座位同埋boardgame俾顧客娛樂；為顧客準備可能需要嘅物品，例如平價嘅橡筋、手機防油套、眼鏡布；見到單獨用餐嘅客人，仲會提供公仔陪伴等等…呢啲extra service嘅成本其實好低，但為「海底撈」呢個brand帶來嘅價值就一啲都唔低！———本年度中國最具價值品牌100強榜單中，海底撈以35.68億美元嘅品牌價值位列第一；喺經濟唔景氣喺環境下，佢哋今年上半年嘅盈利亦同比暴增近30倍至人民幣22億元，破咗自己上市以來嘅紀錄！

可見只要對著啲客夠「有heart」，即使只用低成本，都可以「以小博大」為公司帶來龐大嘅利潤！

😈「自爆」拉近距離感？

心理學入面有一個理論叫「自我揭秘」，係指你可以透過分享一啲你好personal嘅故仔或者經歷，來迅速拉近你同陌生人之間嘅距離🤫。而再具體啲講，你可以透過利用「相似性」，分享大多數人都有嘅生活經驗，令聽眾喚起類似嘅回憶同情感，從而引起共鳴；又或者反其道而行，突出「相異性」，透過講述一啲好新奇、少人經歷過嘅體驗，營造出驚喜感，令人對你嘅話留下深刻印象。

各位同學仔不妨喺business presentation時，加入story telling嘅技巧，透過引述一啲故仔、個人經歷，唔單止可以retain到聽眾嘅attention，仲可以大大增強說服力！

😈黃金數字「3」？

點解童話故事係「三隻小豬」唔係「四隻小豬」？點解奧運排名頒獎得頭三名唔係頭五名？點解阿拉丁燈神係俾「三個願望」唔係兩個？🧐

有專門研究人類大腦活動嘅paper顯示：我地嘅大腦相對容易同時process三個信息，但一旦將信息數量增加到四個或以上，信息處理能力就會明顯減弱，我地個🧠甚至唔知應該俾signal對👀望向邊個message先！

有見及此，各位同學仔喺整PPT slides時，可以試下每個slides唔好多過三個bullet points啦～啲points亦要記住盡量short and clear，等聽眾可以一眼就消化到你嘅key ideas，跟住就可以將注意力放翻到你身上聽你慢慢elaborate啦～😎

今日介紹嘅呢啲所謂「暗黑心理學」，其實都只係冰山一角。現實嘅商業世界競爭激烈、每日都充滿各疑難雜症要解決，同各位同學仔喺課堂上讀嘅theory根本係兩個世界。唔想再紙上談兵，想提早裝備自己、學識點樣解決各種real-life business challenge？🥂我地喺2024年1月6日就會推出Case-Hacking課程，請到Cambridge 1st-hon畢業 又喺BlackRock、HSBC、Oliver Wyman做過嘅星級導師Sherwoord坐陣，一次過教曬你qualitative & quantitative analysis、strategy formulation、PPT techniques、verbal presentation等每個business同學仔都必備嘅技能，等你2024一開波就360°全方位level-up! 您想提高獲得internship機會嗎? 現在登記!🔥開堂倒數中，快啲click入我地bio link留位啦～

Instagram: https://www.instagram.com/career.hackers/

linktr.ee/career.hackers