唔係BBA入唔入到銀行？」JP Morgan親自答你可以！ Finance for Non-Finance Program 2023

「唔係BBA入唔入到銀行？」JP Morgan親自答你可以！Finance for Non-Finance Program 2023我哋定時定候出QnA，同學仔都會問：「自己唔係讀BBA唔係讀finance嘅degree，有無機會入到銀行職位？會唔會第一round已經俾人篩走咗？」我哋次次都話degree唔能夠決定一切，今次終於得到JP Morgan親身佐證唔需要有finance degree都可以入行，甚至比其他人更有優勢㖭！就喺啱啱呢個禮拜，JP Morgan出咗個【2023 APAC Finance for Non Finance Program】，講到明開俾唔係讀finance嘅同學仔參加。究竟呢個Program係點，好似JPM呢啲大行又點解想請一啲唔係讀finance嘅同學仔？想知就要繼續睇落去喇！Program簡介喺呢個【2023 APAC Finance for Non Finance Program】，同學仔會經歷各種training去認識一間投行嘅基本運作。透過唔同嘅online課堂、活動、networking，同學可以好快咁吸收究竟finance嘅行業係點，同埋喺唔同嘅business leader身上，了解到喺財金界打滾嘅生活以及career pathway。呢個program開放俾所有喺香港同新加坡嘅non-finance同學仔，如果你係2025年畢業嘅話，就可以報名做video interview！由於呢個program正正係設計俾無讀過finance嘅人，所以同學仔唔洗太擔心自己對財金界一知半解，但係就記得一定要喺selection嘅過程，展示到自己嘅「enthusiasm for the financial services industry」喇！唔係讀Finance反而有優勢？好多同學仔都會擔心自己入錯科唔係讀business / finance，係咪就會同銀行職位擦身而過。有時個job description寫著「Business Major preferred」就會勸退咗好多人。但係事實上，喺財金界入面，無論係投行、基金，定係其他financial institutions，有好多人都無Finance degree！呢個趨勢喺最頂尖嘅投行尤其明顯，因為佢哋都深深明白學位唔代表一切。有啲firm（好似UBS咁）甚至會刻意請non-BBA / non-finance嘅同學仔，因為佢哋見到non-finance嘅同學會俾到間firm一啲新嘅觀點。就好似Becci McKinley-Rowe（ex-Morgan Stanley，現任BlackRock Managing Director）咁講：「讀business嘅學生固然重要，但係我哋發現讀人文學科嘅同學仔往往睇嘢更加宏觀」，睇得到世界上嘅政治同經濟環境點樣影響到個市場。唔講唔知，McKinley-Rowe佢自己就正正係歷史 / 政治系畢業。McKinley-Rowe升到MD咁犀利並唔係個別例子，喺依家嘅投行入面，你可能會發現好多banker讀嘅科都同finance毫無關聯，例如阿拉伯文、音樂、宗教哲學等等。不過，無論係讀咩科都好，你喺入面學到嘅分析能力、溝通能力、對細節嘅掌握等等技巧都可以應用喺一個投行嘅career。好多大行依家亦都會為呢啲新入職嘅同事提供training，只要你對於財金界真係有passion，好多大firm其實都好樂意去請唔係讀finance嘅你！Old News？JPM開呢個Non-finance Program其實都唔係第一年。早喺2021年佢哋已經領先成個行業突登去發掘Non-finance嘅同學。除咗可以俾到間firm新嘅觀點之外，請non-finance亦都幫到JPM去擴大佢哋嘅talent pool，唔再局限喺讀商科嘅同學仔。喺呢個間間firm都搶奪緊最優秀嘅fresh grad嘅環境下，請non-finance變相為JPM發覺到更加多其他firm都miss咗嘅寶藏。呢個方針亦都係點解早前JPM開一個program專係俾讀副學士嘅同學。其他銀行或者公司會唔會跟大佬開類似嘅program無人知，但係我哋好肯定知道嘅係：對於non-finance嘅同學仔，恭喜你哋又另一條official嘅渠道入到投行；至於BBA嘅同學仔，你哋嘅degree就肯定唔再代表有任何優勢，你哋嘅competition亦都唔再限於讀商科嘅大學生。當起跑線越黎越公平嘅時侯，你嘅努力同付出就越黎越重要。話咁快又到暑假，新一輪嘅recruitment season即將開始，睇緊呢個post嘅你又做好準備未？如果想知道我哋coaching program嘅同學仔已經點樣prep緊，不妨去bio link book個call了解下啦！