各大院校暑假時間表 🗓 邊間最早放？邊間放得最長？🏝終於都考完試，話咁快就迎嚟萬眾期待嘅暑假啦！無論係努力返intern儲經驗，讀啲online course學coding裝備自己，抑或好好咁休息同朋友去旅行回氣，暑假都係一個好寶貴嘅時間去為自己未來作打算。想知道自己同埋唔同院校嘅friend放幾耐假？今次就等我哋為大家整理下10大院校嘅暑假時間表，方便大家計劃下呢個暑假點樣過得最充實啦！邊間最早放暑假？香港理工大學 PolyU：2023年5月7日三個禮拜前已經考完試開始放假喇！佢哋同時間亦都係暑假最長嘅院校。9月4日先開學嘅佢哋放足119日，差唔多成4個月！邊間最遲開始放？香港科技大學 HKUST：佢哋今日2023年5月30日先開始放暑假，亦都係暑假最少日數嘅院校，只有93日，同最多日數嘅PolyU差成一個月，果然不負University of Stress and Tension嘅聲譽。邊間最早放完暑假？香港大學 HKU 、香港科技大學 HKUST、香港浸會大學 HKBU，同埋嶺南大學 LingU都係8月31日就放完假，第二日9月1日就要返返學啦。暑假時間表一覽至於其他院校，大部分都係5月中 / 5月尾開始放暑假，一係9月1日星期五開學，一係就等到禮拜一9月4日開學，平均每間院校嘅學生都可以放到107日嘅暑假：香港大學 HKU ： 5月24日 - 8月31日（99日）香港中文大學 CUHK ： 5月14日 - 9月3日（112日）香港科技大學 HKUST ： 5月30日 - 8月31日（93日）香港城市大學 CityU ： 5月9日 - 9月3日（117日）香港理工大學 PolyU ： 5月7日 - 9月3日（119日）香港浸會大學 HKBU ： 5月13日 - 8月31日（110日）香港恒生大學 HSU ： 5月26日 - 9月3日（101日）嶺南大學 LingU ： 5月14日 - 8月31日（109日）香港教育大學 EduHK ： 5月28日 - 9月3日（99日）香港都會大學HKMU ： 5月15日 - 9月3日（112日）話雖如此，始終唔同科完sem嘅日子都唔同，有啲科如果早考完試，又或者唔使考試剩係交coursework嘅話，分分鐘未到5月已經happy緊，輕鬆有4個月嘅長假期！調返轉頭，如果你有讀summer semester嘅話，就自然少啲假。不過無論你係有幾多日假都好，唔好好計劃嘅話，一個假期真係眨眼就過。尤其是放完假返嚟就已經係下個recruitment season嘅開始，ibank / consulting更加會再早啲，大家喺呢幾個月做啲咩就好影響之後嘅表現如何，攞唔攞到offer。根據我哋嘅經驗，大學生放暑假有三類人：第一種係「不知不覺」就hea咗嗰100日然後後悔自己咩都無做過；第二種係「後知後覺」發現自己要努力upgrade自己但係就乜都做啲，無乜方向，事倍功半；第三種係「先知先覺」，對自己嘅時間有高掌控力，無論係休息、學新嘢、返intern，每一個action都係朝著自己嘅目標而行。試想下，當大家hea著過呢100日嘅時候，只要你能夠勤力50日為自己career做好準備，就足以超越大部分人成為頭3分1嘅candidate。我哋coaching program嘅學生就正正明白到呢個道理，已經密密準備緊，喺coaches嘅指導下，已經plan好之後幾個月要行邊一步達到佢哋各自嘅career goal。如果自問你都緊張自己係咪以最有效益嘅方法喺呢個暑假為自己career作準備嘅，不如去bio link book個demo了解下我哋嘅coaching program，睇下幫唔幫到你啦～