化解利益衝突定自找麻煩？EY要分拆 Audit 同 Consulting同學仔報EY一定要睇❗上次講完HSBC想分拆💣，今次論到講全球四大會計師事務所(Big 4)之一嘅安永（EY/Ernst & Young）分拆！早前EY管理層同意將Consulting業務分拆上市，同審計業務分開營運💥。不過都係要全球1.3萬個合夥人同意先得！EY有咩策略，點解要咁做？有咩影響？睇落去啦！先帶大家認識咗架構先，喺Big 4嘅晉升階梯入面，當員工(只有好少最菁英果班)升到做「Partners／合夥人」嘅時候，公司賺錢佢哋就會有份分紅🧧。而今次EY分拆，將打算透過IPO公開發售15% Consulting公司股份，集資兼借入過百億美元，大部份就係想「買起兼買斷」合夥人嘅分紅。因為以後Consulting果邊就會無咗Partnership呢個制度😶🌫️。EY而家全球有超過30萬個員工，合夥人佔1.3萬個左右。咁樣套現對準備退休嘅Partners來講當然正爆，一次過拎份大嘅就收檔🤑。但對於仲要留低喺EY Audit 捱多陣世界嘅Partners來講，雖然呢一轉都有賠償，但日後分紅就預計會大減😮💨。點解會大減呢？要知道Big4 業務壟斷大部份國際知名上市公司及私人公司嘅財務審計業務，仔細分析就會發現，Consulting 賺得多過Audit成倍，換句話說， Audit Partners嘅分紅某程度上一直共享緊Consulting條水，分拆咗就無賺咁多，自然就分少咗啦🤕。而Consulting 嘅員工升極都無得做Partners，久而久之員工向心力就會成為問題，吸引唔到人才留低，要業務提升就好難保證啦，令人質疑分拆係唔係真係高層講到有助諮詢業務生意呢？分拆其實早有先例？其實Big 4以前係Big 5 㗎！咁就要提Accenture啦！佢其實就係2001年， 由Big 5嘅Arthur Andersen會計師事務所（AA）度，分拆出advisory業務上市，Accenture 當年raise咗近17億美元，而現時market capitalisation 更值2750億美元💸。不過同年AA因協助美國能源公司安隆（Enron）財務造假，受到重罰最終執笠，先令「五大」變「四大」。Accenture上市時一直幫客戶做outsourcing，即係幫客戶做埋部分業務，例如人力資源或財務，有長期合約就好似合資企業一樣，收到同審計費用一樣地穩定，而且沒有監管。支持EY分拆Consulting嘅人當然好想複製Accenture做法，避開潛在審計衝突💰。但今時今日點可以同2001年比呢？EY 規模相對大好多，而且近年全球人才緊張，諮詢業務無咗由審計而來嘅長期合作同收入來源，而審計亦無咗諮詢帶來嘅利益優勢，當另外Big3決定維持現況唔跟隊分拆，繼續sell綜合業務，咁好難留住人才去對抗Big3。其實Big 4捆綁審計與諮詢一直都存在利益衝突問題，正等於你搵同一間公司，一邊做第三方公正審計你盤數，一邊叫你買佢個諮詢服務幫你規劃做靚盤數🙊。當Big 4已經壟斷咗市場，就無必要主動提出表態分家。到前年6月，英國會計監管機構就要求Big4 4年內要分拆審計和諮詢業務，EY以外Big 3都暗地裏做好被迫分拆嘅計劃，但只係最後選擇表態企硬唔拆。咁EY 嘅Partners點睇呢？其實都有唔少合夥人話成間公司業務運作太融合，有時開會都分唔到邊個與會者係來自Audit定Consulting🙈。有現職嘅合夥人就曾經形容分拆係無可避免，就算有Complications都會船到橋頭自然直，又比較EY同Accenture諮詢業務，前者負責緊 taxation, management consulting ＆ deals advice，上個財政年度賺緊260億美元，而Accenture賺緊100億美元，都估值140億美元，預估EY上市後可估值500億美元🚀。不過亦有舊EY 合夥人覺得除非Regulation變得更大限制，否則唔會話分拆無可避免，而有其他Big 4嘅合夥人亦同意，分拆隨時要搞幾個月甚至幾年，理應無理由要打搞現有Operation，除非賠償俾合夥人嘅錢真係好大舊，大舊到令所有合夥人都同意分拆🎁。咁香港業務點呢？EY大中華區已經一早表態唔會參與全球分拆計劃，香港都好大機會Align with 大中華區嘅決定。而EY目前喺中國大部份客都係國企或央企，如果Consulting部份喺美國上市，受美國監管，加上政策不定變動，例如香港美國會計師資格互認喺年底終止，美國又開始喺香港查閱中概股審計底稿，以目前中美局勢而言分柝點睇都唔似有利啦🧨。想睇更多分析，除咗Follow 我哋ig，亦可以Subscribe 我哋嘅Newsletter，定時俾Market news and update大家！至於想報工入Big 4嘅同學仔，面試會唔會問呢個議題，識唔識答，應該點答你又準備好未💫？想準備得更好，就快啲報Career Hackers Pro Coaching Program，盡快趕上今個recruitment season尾班車！Bio Link 內第一條Link Contact我哋啦！