動動腦 轉轉彎 「一架747客機裝到幾多個網球？」 三種Brain Teaser破解方法！

動動腦 轉轉彎「一架747客機裝到幾多個網球？」三種Brain Teaser破解方法！唔準Google，即刻答！Interview要過五關斬六將，其中一部分就係時不時會出現嘅Brain Teaser。越黎越多公司嘅職位強調candidate唔可以淨係識收order做嘢，更加要mentally flexible，識得運用自己嘅創意同數理分析能力幫公司解難，所以佢哋喺同candidate面試嘅時候都會加一、兩條Brain Teaser，睇下candidate會點樣應對。我哋見到有啲同學仔好易俾呢啲題目嚇親，於是佢哋會背曬喺網上搵到嘅所有題目（咁當然無可能啦）。亦都有啲同學當呢啲係IQ題，到時靠轉數快improvise啲自以為好聰明嘅答案，忽視咗唔係每一種Brain Teaser都係考創意。咁同學仔應該點樣準備呢？就等我哋今次呢個post為大家拆解三種Brain Teaser同埋各自嘅目的同破解方法啦～Market Sizing題「紐約市舊年賣咗幾多盞燈膽？」「全中國有幾多㗎電動車？」「地鐵一日賺幾多錢？」呢類題目我哋統稱為market sizing，喺finance同consulting嘅面試好常見。佢會要求你去估算一個特定嘅產品市場有幾大。佢亦都可以演變成一啲唔關business事嘅估算題目。呢類題目係無標準答案，interviewer比較想知道candidate嘅邏輯推理能力，有時candidate亦都可以問面試官clarify條問題。無論同產品市場有無關係，去應對呢類型嘅題目，可以首先根據常識訂立一條equation，拆解equation每一個部分，提出相應嘅assumption，然後以約數（Round Off / Round Up / Round Down）嘅形式計算。數理心算題「有隻病毒每1百萬人就有1人感染。病毒測試就有1%會出錯。有幾大可能你係false positive？」「一個10x10x10嘅大立方體由1x1x1嘅黑色小立方體組成。將大立方體外表油成紅色後，有幾多個小立方體係有紅色？」「你有兩個容器，分別裝到300mL同500mL，點用最少嘅step去裝到400mL水？」呢種Brain Teaser喺finance嘅面試都好常見，問題嘅形式可以好多種，但係萬變不離其宗，只要對基本嘅數學概念有一定嘅掌握（e.g. Algebra、幾何、時間、速度、比例、Probability）就好容易答到。不過正正因為同學可能太耐無用心算計數，一面對呢啲問題嘅時候就會變得好緊張，再加埋面試嘅氣氛，就令到好多同學連一啲初中level嘅數都計錯。又或者，有啲同學數學比較有信心，見到呢啲題目口快快就答咗，但係無留意當中嘅細節就好容易出錯。所以，歸根究底，呢種Brain Teaser實際上除咗考緊你嘅數理能力，亦都係一種stress interview，考緊你係咪可以冷靜面對問題，同埋會唔會好容易放棄。個要訣就係唔好心急，慢慢答，好多時就會搵到方法 / 自己唔小心嘅位！解迷題「國王有兩個仔，想決定傳位俾邊個好。於是佢就同兩個王子講：要佢哋去北部嘅花園摘一朵紅茉莉花，邊個隻駱駝最遲返嚟就傳位俾佢。花農見佢哋摘完花賴死唔走，就贈佢哋兩句。講完之後，兩個王子都趕返去王宮。個花農講咗啲咩？」呢一類就真係變化萬千，亦都好難以一套方法解決曬。佢哋考緊嘅係candidate可唔可以收放自如，有無即場應變能力同埋創意。對於一啲好著重創新嘅公司，某程度上佢哋亦都會借呢啲問題去睇下candidate有無culture fit。同學應付呢一種問題嘅時候不妨放鬆啲，跳出個框框。好多時只要你解釋得到就可以，有時有趣啲嘅答案反而印象更好㖭。不過，一兩題嘅Brain Teaser其實並唔係成個interview嘅戲肉，就算俾你答啱曬，都唔代表一定會加分。喺面試官嘅眼中，更加重要嘅係你本身嘅性格同能力適唔適合個職位。要喺一個interview表現得好，個candidate除咗最基本一定要有個職位要求嘅skillset去應付相應嘅technical questions，另外亦都要對自己嘅經歷、優點、缺點有透徹嘅了解，再加埋有故事性嘅表達方式去展現自己嘅intangibles，咁先可以喺眾多嘅candidate當中脫穎而出。距離recruitment season嘅時間越黎越短喇，如果自問未有一個有系統嘅方法或者resources去準備咁多種唔同類型嘅interview，不妨去我哋bio link book個call，睇下我哋可以點幫手～