內地政府再有會計新例 📌 進一步壓制 Big4 喺國企地位？咁同學仲入唔入 Big 4 好？上兩個月我哋 Career Hackers 就有出post講到「內地政府唔俾國企用Big4 200億營收就咁無曬？」，話中國財政部要度國企唔好再咁重用 Big 4 做審計工作，以遏制西方會計師事務所嘅影響力，咁果時大家都係對呢個「窗口指導」捕風捉影，但最近就真係有行動，有明文規範出台喇！到底呢個《國有企業、上市公司選聘會計師事務所管理辦法》up mud，對同學入Big4 前景有無影響？就一齊睇落去喇！呢個《辦法》係出自邊度，講咩嘅呢？《國有企業、上市公司選聘會計師事務所管理辦法》係由大陸財政部、國務院國資委、大陸證監會三個部門聯合印發，公布當日即日生效，對象係國有企業、境內嘅上市有限公司，目的係加快完善「選聘會計師事務所相關制度」，提高審計品質。《辦法》原文假假地都成幾千字，不過唔使擔心，小編幫大家digest咗，主要內容都係呢4點：第一：選聘會計師事務所要引入評分制、有公式，以防上惡性競爭，要以Quality 為主導，評分因素包括：Audit fee報價、間firm嘅資格、執業記錄、質量管理水平、人力資源、管理信息安全及承擔風險能力等，而且當中「質量管理水平」個weighting 唔應該低過40%，而審計費用報價又唔可以weighting多過15%。第二：規定企業連續聘請同一會計師事務所時間不可以長過8年，就要有必要延長，都唔可以超過10年，之後一定要換第二間以確保獨立性。審計項目partner、簽字註冊會計師都要過冷河，如果響同一間國企或上市公司合計擔當審計業務滿 5 年嘅話，佢之後連續 5 年都唔可以再參與該國企、上市公司嘅審計業務。第三：即使企業有心水audit firm，為咗公平競爭都唔可以喺招聘條件上「造馬」，例如度身訂做啲條件，去排除其他潛在想入標嘅會計師事務所，亦要監管審計委員會有冇唔合理咁換會計師樓、特登請唔夠「quali」嘅會計師、突然審計費用大變、換staff之類。第四：鑑於中國當局擔憂數據安全，所以要求國企、上市公司請audit時，要加強審查間firm嘅訊息安全管理能力，例如加強對涉密敏感訊息嘅管控，亦要係contract中加設單獨條款，明文確保對方做到保護訊息安全嘅責任同要求。根據Financial Times統計，2021年內地50間最大型國企當中，有30間係Big 4 會計師樓負責audit。其實可能上面講嘅規範，Big4 都一直做緊，不過政府早前敦促過要國企逐步停止採用四大國際會計師事務所，今次再煞有介事強調要周期性換firm及監管等等，短期內對內地會計界版圖點都會有啲影響嘅啦，例如規模無Big4咁壟斷或內地本土會計師樓嘅market share 自然會大咗。但對於一啲有另外到外國上市、或有大量海外投資者嘅公司，其實都無可避免要用返Big4，以維持國內外統一compliance或保持公信力，而《辦法》入面又其實無點名寫明四大，或者實際寫明公司可唔可以四間輪流換，可能都要返個幾年，先會實際響market上顯示內地政府政策對Big4 做到嘅巨大影響。不過始終政策可以隨時加、隨時變，同學如果考慮緊入Big 4，或擔心前景，都唔想「煮到埋嚟先食」，要掌握市場動向做全盤準備，包括了解埋Exit options，鋪定長遠少少progression，咁搵我哋有經驗嘅coaches 幫手就最有效率喇！快到Bio Link 了解我哋coaching program 點幫你度身訂造career path喇！