入iBank、銀行、FinTech、Big 4 📜🎓 必考專業認證及課程無論係想入行 ibank、銀行、FinTech、Big 4入行定轉行，大家都會諗自己識唔識做呢份工作。想有Technicality qualification令HR容易啲考慮，一啲受行業認證，甚至全球通用嘅課程或cert 就會變得好handy及重要。不過有人讀咗cert都入唔到行，亦有人完全無考過都入到high finance。喺五花百門嘅課程同證書入面，邊啲先係value-adding，就同我地一齊睇落去啦！1️⃣Chartered Financial Analyst (CFA)如果你想向Private Bank/Asset Management/Sales & Trading等等方向發展，呢個資格都幫到你。特許金融分析師（CFA）係財金機構Analyst 業界所稱的「黃金標準」，佢係全世界公認金融證券業中最高的認證，更係國際通行，有唔少投資管理機構都用佢做入職基本要求。不過CFA有分3個level，涵蓋包括：Econ、Accounting、Derivative、Professional Ethics及Fintech，淨係LV 1都要最少300個學習時數，平均要考晒級需要4年左右時間。Career Hackers 今個summer 都推出限定課程，詳細可以睇早前嘅post「20個星期CFA課程學到乜？一文了解syllabus十大topic」，好多join咗coaching嘅學生都話好有用，一來可以免費上埋LV 1嘅課堂唔使再嘥錢，二來唔係讀business嘅同學都可以上，等大家面試時唔會被問到口啞啞！我哋亦都籌備緊下年轉syllabus要準備嘅位添！2️⃣Certified Public Accountants(CPA) & Association of Chartered Certified Accountants(ACCA)ACCA（特許公認會計師），係for會計學生畢業前考嘅會計師前專業試，而CPA（註冊會計師）就係for畢業之後考嘅。想投身會計界及Big4，CPA同ACCA一定走唔甩🤜🏻。考試模式上，CPA只有四份Paper同一個Final Exam，而ACCA就有14份Paper。由於ACCA認受性較低，一般會計系畢業生會優先選擇考CPA，而大部分考ACCA都係其他系嘅畢業生，想要有會計師資歷就會去考。🌟3️⃣Financial Risk Management (FRM)FRM 不但係金管局最重視嘅一張金融牌，而且FRM已成為銀行Risk Management的招牌，全世界同一日考試，同一標準，國際通用，在內地都好吃香。🤩全球關於FRM 考試唔只一種，但以GARP舉辦嘅FRM最多人報考，不論係FO 既Trading、MO 既 Risk Mgnt 或 BO 既Settlement及Accounting，呢個qualification都非常重要。如果要考到GARP既FRM，就必須通過兩次考試並獲得2年相關行業工作經驗。4️⃣Common Professional Exam (CPE)CPE 係英國現行法律專業學歷嘅另類課程，專俾非法律主修嘅畢業生去讀🥸。CPE又被坊間稱為法律嘅Conversion Course，佢嘅課程內容非常濃縮，修完CPE加上完成香港法律嘅Conversion就有資格申請入讀PCLL（帶返頭盔先，雖然有資格，但絕對唔容易）。而家HKU SPACE同英國曼徹斯特都會大學有合辦CPE，好多同學本科唔係讀Law，但畢業後入左Compliance、Consulting、Banking及Property呢幾行，又想進修法津知識，增加競爭力，方便考慮轉行，都會考慮CPE！🧑🏻💻5️⃣International Compliance Association (ICA)ICA係一個具認受性嘅Compliance專業試，最適合對其有興趣，又或者係主修Law又想轉做Compliance嘅同學仔。一個試就包括唔同專業範圍，如AML(反洗黑錢）、General／Financial Crime Compliance及Managing Sanction Risks等，未畢業嘅大家去考都無問題。6️⃣Project Management Professional Certification (PMP)PMP（項目管理專業資格）係一個特別為project management而設既資格，可以證明你喺任何工作方式中嘅項目領導經驗同專業知識。隨著社會對PM的需求增加，同埋產品生命週期不斷縮短，收購合併活動頻繁，越嚟越多嘅商業活動、產品活動，除左好多IT Consultant、Project Manager同Business Analyst都會考，甚至連金融、政府部門及PR都好需要PM。當然呢個post唔係水你去考曬所有試，但都希望大家先思考下職涯，因為考一個試要除左花精神，都要花extra commitment響公餘時間繼續讀書，所以有冇效用好緊要！唔係見人考我又考。不妨Book一個Career Hackers Pro的 Demo計劃左Career Path先！💪🏻