你讀個科係咪「錢」途無限？💰 香港8大畢業生薪酬最新排名出爐！🎓大學教育資助委員會公布咗最新香港八間大學畢業生平均年薪及各科畢業薪酬！你有冇試過Fresh grad俾人問expected salary 唔識答？唔知自己比同期畢業嘅朋友每月出糧係唔係一樣？無論你係未畢業未搵工想有個數，睇下你將來大概會幾錢人工，定係拎咗offer想睇下有冇被underpay，都可以參考呢個post ！之前都有提過銀行業都開始有搶人才既情況，移民潮下，銀彈攻勢各行各業都有。薪酬方面，去年8間資助大學畢業生平均年薪達30.3萬元，按年急升7.8%，即係月薪都有$25,250，較統計處最新2023年第一季港人每月就業收入中位數20,000元，高出26.3%，升幅都幾可觀。其中香港大學畢業生平均年薪最高，達到37.1萬，畢竟香港大學嘅專業科目比較多，自然平均年薪都比較高。而薪酬升幅方面，各大學畢業生薪酬按年增幅介乎4.4%至14.6%，CUHK同UST係升幅最高既大學，升幅超過1成，年薪分別達到36.6萬及34.9萬，緊隨其後既有CityU同LingU，年薪增幅分別係9.4%及9.8%，增加至26.8萬及22.5萬，而LingU係八大之中最低既。8大畢業生就業情況：💼～13,000／17,751名受訪畢業生選擇就業。畢咗業之後選擇立即返工嘅人一向都係大多數，今年佔超過七成半，失業人數佔2.1%左右，與上年大致相同。🌙失業問題最嚴重係中大畢業生，有3.7%，比起2021年嘅既3.6%增加左0.1%。🧑💼就業不足都有500多人，即係有返工但處於Part time或臨時工咁，非自願下每周工作少於35小時，當中教大畢業生佔最多。🏫受訪者入邊佔有16.2%選擇繼續升學，與2021年數據相若。有5.5%受訪者則未有求職，或者移民或返回原居地發展。各科薪酬如果你個間大學平均薪酬落後都唔好太唔開心，因為數字係會根據各大學有既科目所影響，有機會係某幾科拉高咗個平均值都唔頂。咁咩科人工又有幾多呢？教資會數據就話係「醫科、牙科和護理科」啦，平均月薪達到$41,167。好多人都以為「商科和管理科」會緊接其後，但其實卻比「教育科」以平均月薪$29,417 拋離，讀BA 平均薪酬只係$24,083，接住就係 「理學科」（平均月薪$23,197），「工程科和科技科」（平均月薪$22,167），同埋「社會科學科」（平均月薪$22,083）。薪酬最低既科目就係「文科和人文科學科」，只有$20,917。不過同2021年度比，「商科和管理科」同 「理學科」升幅係最大。「商科和管理科」按年升12.9%最高，平均月薪由$21,333升至$24,083，增加$2,750。而「理學科」升11.7%，由$21,417升至$23,917，增加$2,500。「醫科、牙科和護理科」係人工最高但按年升幅最低，只有1.4%。隨此以外既科升幅大概係6-8%升幅，對比之下可以見到商科同理科升幅真係相當多。講到尾以上數據都不過係畢業生平均月薪，有follow 開 Career Hackers 嘅人都知，特別係如果想入ibank 或向high finance考慮，長線D咁樣考慮自己既career planning，當前人工唔應該係你全部既考量，仲有晉升機會，行業前景，或者自己既興趣等等。不過好工自然競爭都會大，想知道自己想做嘅dream job 距離自己有幾遠，個role嘅前景同最新請人要求，就要了解我哋coaching program，或直接bio 報名book個consultation call 啦。