一文睇清新加坡🇸🇬 Working Visa新評分機制　3大加分條件你中幾多？

一文睇清新加坡🇸🇬 Working Visa新評分機制　3大加分條件你中幾多？香港搶人才？新加坡都搶緊呀！新加坡依家為咗吸引多啲外國專才，將會喺呢緊嘅9月1號為佢嘅Working Visa推出一個新嘅申請評分機制：COMPASS（互補人才評估框架），越高分，你嘅Visa就越容易批出。申請Employment Pass嘅人要喺學歷、薪酬、行業等六個項目中只要至少拎到40分就合符資格。新加坡人力部最近亦因此更新咗三份重要嘅lists，內容包括詳細嘅評分標準，可以俾大家睇下自己到底有無申請資格。具體分數到底點樣計？想去亞洲其他地方闖一闖嘅你就一定要嚟睇下啦！學歷：Top Tier大學 ＋20分喺所有評分標準入面，申請人最容易取得嘅優勢嘅一定係學歷背景，只要你喺新加坡指定嘅Top 100嘅大學畢業，就可以幫自己嘅application加20分！問題係，大學排行榜咁多，邊個先係新加坡政府認可嘅？唔好以為自己大學喺QS、泰晤士等三大排名嘅頭100就坐定笠六呀，新加坡人力部整理咗一份官方認定嘅Top 100大學名單，而排名上都同傳統排名有啲出入㗎。❌例如USC喺今年嘅泰晤士排名入面位列65，但新加坡人力部都唔認可佢係Top 100大學。⭕今年QS排名入面Rice、Penn State等大學排名唔高，喺泰晤士連前100都入唔到，但係喺名單入面佢哋都被列為Top 100。所以都可以睇得出Top 100大學嘅名單同大家嘅預期可以有好大差別㗎。想知道自己間大學有無上榜？香港嘅大學就佔咗5間，包括：城市大學、中文大學、理工大學、科技大學同埋香港大學。如果大家係喺呢啲大學畢業就可以為自己嘅application加20分，咁都容易get approved啦！薪酬：月薪喺行業內Top 10% ＋20分新加坡人力部公布嘅第二份list就同大家嘅薪酬直接掛勾，而唔同行業、唔同年齡段嘅要求亦都唔同。舉個例子，當大家啱啱畢業，即係23歲以下而又想做銀行或者Financial Services嘅話，可以獲得加分嘅薪酬標準係：▪ 月薪達到6,486新幣（約$37.5K港幣），加10分▪ 月薪達到9,724新幣（約$56.0K港幣），加20分根據最新數據統計，新加坡Financial Services嘅月薪中位數已經達到11,000新幣（約$63K），已經足夠fulfill加分標準。從呢個list可以睇得出新加坡政府鼓勵海外申請人盡早嚟新加坡就業，因為年齡越細，獲得加分嘅benchmark以及achieve難度就越低。如果大家係去新加坡發展嘅打算嘅話就要盡快做打算啦！行業：符合短缺行業 ＋20分新加坡人力部公佈嘅最後一份list就係當地短缺嘅職業或者行業。其中大家最有興趣嘅Financial Services、Technology、ESG等方面嘅行業有超過27個職位可以申請，每個職位都可以為你嘅application加20分。簡單嚟講，如果你讀緊或者畢業嘅大學係新加坡官方認可嘅Top100大學（+20分），而你嘅求職崗位啱啱好係短缺職業入面嘅其中一種（+20分），申請Employment Pass所需嘅40分就可以輕鬆達標。呢3份lists嘅資料對於想去新加坡求職嘅同學仔嚟講非常重要，所有準備fall recruitment或者將來想去新加坡發展嘅同學都可以用嚟做參考啦。新加坡嘅求職市場其他國家比係咩環境？對於同學仔嚟講，新加坡嘅Working Visa Policy相對友善好多，但係想喺新加坡搵到一份滿意嘅高薪工作都真係唔容易㗎。例如喺英國，好多同學有機會參加各種短期嘅Apprenticeship例如Spring Week，提前規劃自己嘅career plan。但係新加坡就無太多短期項目俾大家有一個first taste expeirence。其次，亞太地區嘅國家同歐美相比都未必有咁發達嘅人脈網絡文化，同學仔可能未必可以享受到校友資源帶嚟嘅優勢。咁我哋嘅優勢又係啲咩？隨住新加坡同國內Financial Services Industry嘅合作增加，我哋語言嘅優勢都體現出嚟：可以流利地運用三文兩語應酬國內市場嘅clients，所以好多投資銀行喺新加坡請人嘅時候都會列明「Fluent in Mandarin」作為請人嘅標準之一。唔止咁，香港同國內位置較近，喺通關上亦無咩太大嘅concerns。咁大家就算需要即時前往國內處理各種業務或者business trip都可以減輕返公司要處理嘅行政事務啦。最後就係香港喺教育、金融、科技、創新等領域發展程度亦相當高。如果同學之前係喺Top 100大學畢業又曾經喺一啲大公司做過intern，咁就更加可以向新加坡嘅公司convince同學仔嘅能力，增加拎到offer嘅機會啦！所以話有份decent嘅實習係幾咁重要呢！如果想提前規劃自己嘅Career Path，搶先增值自己嘅機會嘅話就一定要去我哋嘅bio link sign up for consultation call喇！Career Hackers 都好多overseas based coaches去輔助留學／海外讀書嘅同學leverage自己長處搵到dream career 㗎！