一文分析：英美加澳星畢業後搵工要有咩Visa?疫情放緩，唔少地區國家都重新開放歡迎各地畢業生去工作，如果你考慮緊畢業後去外國做嘢，其中一樣一定要知嘅資訊就係申請工作簽證（working visa）。今次就同大家講下以下5個熱門地方：英國、美國、加拿大、澳洲及新加坡，佢哋嘅visa申請有咩條件、資格、停留時間等等啦！🇬🇧英國如果你本身係喺英國讀過書，畢業生可以申請Post Study Work PSW簽證，留兩年搵工，如果你讀到博士，就長啲可以留3年。不過大家近排更熟識嘅莫過於最新的嘅簽證，即High Potential Individual，唔使BNO都得，今年七月開始多間頂尖海外大學過去5年嘅畢業生都可申請，年期視乎學歷為2至3年，申請人並唔需要已經有job offer，同學可更彈性搵工同決定發展方向，不過要留意每年各大學響唔響合資格大學名單入面！如果完左HPI想繼續留英，就需要有 一般Tier 2 工作簽證先得。HPI仲有啲merit例如可以帶家人一齊去英國等等，詳情可睇我地出過嘅QS ranking 2023+英國簽證新計劃個po！如果你唔係英國畢業，大學又唔喺HPI個List入面，除左申請Tier 2 visa搵僱主擔保你，英國都有好多種特別visa吸引唔同專才，包括 Skilled Worker Visa、Health and Care Worker Visa、Start-up Visa等等可以睇吓啱唔啱自己個情況～🇺🇸美國畢業生到美國可申請的VISA有兩款，視乎你做學生時有無申請過F-1學生簽證。如果有F-1簽證，而且係Full-time喺獲美國移民及海關執法局（ICE）＆學生和交換生計劃（SEVP）認證嘅學校修讀，畢業後就可以申請Post-Completion OPT，但要求申請人要喺學位完成前90日，或完成後60日內申請，而OPT嘅俾你嘅逗留期限，一般而言係12個月，但如果你從事STEM（科學，技術，工程和數學）專業，就可以申請延長24個月，最長可以留36個月。一開始無OPT，或OPT到期嘅人，想喺美國做野就係申請 H1-B 美國非移民工作簽證，簽證初期有效期係3年，可以續簽，最長簽6年。而且H1-B每年都有配額，要你抽籤抽中成為6.5萬個名額之一先得！申請者要有Bachelor 或以上學位，如果你係碩士或以上，就有多一個抽籤機會，個pool 有兩萬個名額，假如不幸抽唔到，咁你就要離開美國至少一年先可以重新再申請H1-B。🇨🇦 加拿大先講下如果你係加拿大指定學習機構（DLI）畢業，完成咗至少為期8個月嘅學位／文憑／證書課程，畢業後可申請PGWP 工作簽證一次，簽證要喺畢業後180日內申請，期間要保持學生簽證，如果你畢左業又無埋以前佢學生身份，都可以俾錢恢復身份，PGWP最長俾你留3年。如果唔係當地畢業，要考慮加拿大搵工，而自己又唔係想移民，未必需要參加救生艇計劃的話，你要嘅Visa就係 Open Work Permit 喇～佢嘅要求只需一張5年內嘅畢業證書！申請期暫時開放到下年2月7日。🇦🇺 澳洲先跳到南半球～要申請澳洲工作簽證，主要分成臨時同埋永久visa兩款。臨時工作簽證都有5款，其中兩款係比較貼近fresh grad需要，分別係：海外畢業生（476類）visa，visa有效18個月，不可續簽，申請人31歲以下同埋過去2年內完成認可的學士或以上學位；畢業生臨時簽證（485類），有效5年，過去6個月內持有澳洲學生簽證等。而永久久工作簽證就需要僱主或州政府擔保。咁仲有咩申請條件嘅？以下一啲通用條件都要留意返！包括要買澳洲嘅健康保險、通過body check、有良民證、之前無俾人未拒絕過visa申請或欠政府債等等。🇸🇬新加坡呢個就一定要講新加坡最新宣布推出，下年元旦開始接受申請嘅 Overseas Networks and Expertise Pass！合資格申請人月薪要達到3萬SGD（即約17萬港元），證明自己喺市值超過5億美元或每年收入逾2億美元的企業出任要職，便可申請為期5年嘅visa。大家得個知字先啦，fresh grad好少可一黎就月薪17萬嘅😂。咁講返轉頭大家需要嘅visa就係Employment Pass (EP)和S Pass (SP)啦。EP比較適合專業人士例如管理／行政職位，申請者最低人工要有5000SGD，即約28k HKD，而金融行業更要求月薪要5500SGD／30.5k HKD。簽證為期2年，可續簽每次最多3年，由僱主代為申請。而SP就泛指技術工人簽證，人工要求都提升咗要最少每月逗緊3000SGD／18k HKD，而金融從業員就要3500SGD／19k HKD。簽證同樣有效最多2年，可續簽，由僱主代為申請。如果同學有意去海外工作見吓世面，不妨考慮下去MNC或有internal mobility 機會的公司做，都係其中一個入門之選，公司有哂經驗幫同事搞visa自然事半功倍。簽證呢部分其實主要都係煩申請第一次啫，比起計劃你人生嘅career path 更係容易，如果後者想有人幫手，就快啲到Bio Link 搵我哋book 個coaching demo 同你1對1傾傾！