一文了解Assessment Centre！😎有咩類型同應該點樣準備先可以成功拎到Offer😣？唔知大家有冇試過喺搵Intern嘅時候都喺Assessment centre (AC) 止步呢？但係唔知衰咩，同埋又唔知點樣準備比較好？所以，小編今日就會同大家講多啲有關AC嘅資訊，等大家做足準備！仲有，其實只要順利通過AC，就會有好大機會可以成功攞到Offer㗎啦 😆！🔸究竟AC係咩？Asssessment Centre (AC) 會用唔同形式嚟測試應徵者嘅語言能力、溝通能力及分析能力等等。咁樣啲大firms，例如：投行、銀行、地產發展商、Big4等等，就會以AC作為篩選人才嘅一關，佢地可能會要應徵者當日現場再做一次Apt Test、Written Test等。🔸其實Assessment Centre有幾個常見環節，例如：1️⃣Business Case Discussion (BCD)BCD應該係Bank MT 最常見嘅評核形式之一，大概8-10個一組，跟住應徵者就會收到一份information (info) pack，咁需要喺指定時間內睇完啲資料，然後再以小組形式同組員討論間公司有咩問題，為商業問題提供解決對策，而最後亦需要匯報返新嘅 Business Plan / Proposal。準備Tips:👉🏻記住啦，唔一定係做Lead表現先最突出。只要係過程入面搵到自己嘅定位，例如：幫手整理下討論咗嘅內容、數據分析等)，適當咁展現自己嘅團隊合作、溝通能力，都可以令Interviewer對你印象深刻㗎！2️⃣Individual Business Case Discussion (IBCD)IBCD 同小組形式嘅BCD 都有少少相似，應徵者同樣都會收到一份 info pack，需要係指定時間內理解曬入面嘅內容，思考解決方法同埋準備要匯報嘅內容。但IBCD特別嘅地方係，當應徵者匯報完之後，面試官會針對匯報嘅內容發問問題，然後應徵者就需要就住條問題回答翻合理嘅答案。準備Tips:👉🏻由於係個人形式啦，大家記得喺睇資料嗰陣要特別小心，如果你喺理解資料上面有問題就冇人救到你㗎！👉🏻記得預留充足嘅時間prep講稿！👉🏻如果仲有時間剩 記得prep埋 Q&A會問嘅問題！🔺雖然Business Case 討論嘅類型眾多，但普遍都係想考核同學以下能力，包括：思維邏輯能力 (需要有系統同有效率嘅方式組織諗法）推理及數理能力，以及基本嘅商業知識團隊合作、溝通能力 (需要同其他組員清楚交流意見，並達成共識)處理應對能力 (當面對唔肯定或者資訊不足嘅時候，會點樣應對同埋處理呢？)整理分析能力抗壓能力 (如果公司最後請咗你，你能夠喺壓力環境下，代表公司面對客戶嗎？）3️⃣Aptitude Test (Apt Test) (能力傾向測試)Apt Test 喺近年都成為咗啲大公司請人必經，除咗政府工外，各個跨國大公司、銀行等都將Apt Test 列入為請人嘅準則之一。甚至，有啲公司直接將Apt Test作為基本門檻，應徵者必須通過測試先可以去下一關，獲得面試嘅機會。而Apt Test嘅主要目的就係想測試應徵者係各個方面嘅能力，包括：語文能力、數理能力、邏輯推理能力等。有部分嘅能力測試仲可以分析到應徵者嘅性格以及解決難題嘅能力，喺測試結果入面判斷返究竟應徵者係咪適合其公司。仲有啊！最近依幾年嘅公司都會要求同學係AC嗰陣再做多次Apt Test，確保大家唔可以圍爐一齊做、更甚者請槍做。準備Tips:👉🏻宜家網絡咁發達，其實網上有好多免費嘅資源，仲有大量免費嘅Apt Test 練習題，大家其實都可以喺面試前做下當做準備！4️⃣Team GamesTeam Games玩法就好似大學嘅ODay咁，但形式多變，除咗室內嘅遊戲之外，有時候都會需要啲應徵者喺室外玩 City Hunt，或者係去做類似密室逃脫或者角色扮演嘅任務！呢啲遊戲嘅過程都好考驗應徵者嘅心理質素同埋團隊精神㗎！準備Tips:👉🏻Team Games 通常都係大概幾個鐘，大家就算幾攰都唔好鬆懈啊，點都要保持專業嘅一面，因為你喺做task同喺休息時間嘅表現都係評估範圍入面㗎！5️⃣Role PlayRole Play 其實都同IBCD有少少類似，但係呢，喺Role Play入面應徵者會獲派角色同埋一份info pack，而睇完客戶相關嘅資料後，就要根據info pack入面嘅要求同面試官進行情境對話，例如: 推銷啲產品，回答下客戶嘅問題等。準備Tips:👉🏻記得需要同客戶達成共識，明白客戶嘅需求、困難等！👉🏻記住最終目的喺要同客戶建立長久嘅關係，唔好只掛住嗰刻嘅推銷係咪成功！睇到依度，大家都可能發現AC其實就係想一次過考哂大家嘅Soft Skills同埋相關嘅商業知識😣！多啲留意Follow我哋拎更多Tips！ 如果想恆常有AC Training 練定，不妨Join Career Hackers Pro，Program內有齊AC Drills，快啲Schedule個Demo問下啦！#ACtest #AssessmentCentre