一年容易又放榜 🎯去向未定好頭痕？QS 2024大學排名你要知！一年容易又放榜，相信一眾莘莘學子都希望自己嘅摘星之旅可以滿載而歸。小編作為過來人當然了解個種又緊張又期待嘅感覺啦，但最煩都係塵埃落定之後決定自己去向嘅呢個環節。所以今次就提早同大家分享下QS 2024最新嘅大學排名，等大家有多個參考去排JUPAS！大學排名佢玩曬？QS到底點幫大學定排名？排50係咪一定差過排15？到底我哋點樣決定一間大學嘅排名？QS嘅排名主要囊括咗以下呢六個主要因素：1. 學術聲譽：呢項指標主要審視大學嘅教學質素、研究水平、師資陣容等。2. 雇主聲譽及就業成果：呢個範疇主要係評價大學畢業生嘅就業率、就業質素等數據。3. 學生同教師比例：呢個評分反映大學學生同教師嘅數量比例。學生同教師比例越細就代表大學嘅教學資源越充足。4. 學術論文被引用次數：作為學府當然希望自家出嘅研究認受性越高越好，而大學教師發表學術論文被引用嘅次數越多，代表大學嘅研究水平越高。5. 國際師生比例：呢個年頭人人都講國際視野，學校嘅國際學生及教授比例就好重要。比例越高就代表大學喺國際化方面嘅表現越好。6. 可持續發展性：最後呢個2022年先加入嘅新準則就反映咗大學喺推動可持續發展中有無扮演住關鍵角色。綜合以上六個指標，QS就會評估出每間大學嘅綜合排名，等大眾可以了解佢哋嘅強項以及需要改進嘅範疇，揀大學嘅時候都有多把尺去比較吓呀嘛。不過排名都唔代表一切，有啲學府雖然排名較低，但佢哋都有過人之處㗎。咁香港頭馬係邊幾隻跑出？之後想投身商界又有啲咩Programs可以揀？第一位：HKU／排名：26／所獲分數：84.5HKU近年排名嘅上升趨勢首次迎嚟跌幅。我哋可以見HKU喺整體表現平穩，唯獨佢嘅國際研究方面就可能欠缺network去增加研究嘅覆蓋地區。而值得大家留意嘅係，HKU嘅同學仔就業上嘅就業質素相當好，但表現就似乎未達到僱主嘅要求啦，似乎大家仲需要多啲職場技巧advice咁啵。而HKU最搶手嘅兩個Business Program就係QFin同埋IBGM啦，佢哋都好講求實踐課堂輕驗同國際視野，所以會為同學安排各種外地考察，仲可以同唔同Big Corp高層交流添。由於每間U嘅分數比重唔一樣，所以我哋直接貼官方資訊俾大家參考下啦。第二位：CUHK／排名：47／所獲分數：76.2同HKU有同樣命運嘅CUHK亦沿住跌幅降至第47位。而CUHK同HKU同樣地係學術研究上表現出色。不過喺同學就業方面就比較遜色，得到嘅offer質素可能有啲參差，師生比例低咗亦可能係其中一個構成嘅原因。CUHK最Top嘅兩個program就係GBus同埋QFin啦。當中超過50%嘅畢業生都喺Banking特別係Bulge Brackets發展，如果同你career goal align嘅話就一定要入去接受唔同國際化嘅實戰琢磨一下啦。第三位：HKUST／排名：60／所獲分數：71.1UST近年真係經歷緊逐漸滑落谷底的暗呀，佢由2021嘅27位跌至今年嘅60位。相信係因為佢喺可持續發展方面嘅表現不符呢個新指標嘅標準所致。差唔多嘅內容我哋就唔講太多啦。同樣係GBus同QFin嘅HKUST非常重視學生嘅研究能力，所以校方都好鼓勵同學同教授一齊進行唔同自訂嘅研究項目，去探討自己有興趣、亦對商界發展有幫助嘅主題。呢啲研究項目嘅過程同findings有助大家將來搵工同擴展個人network㗎。第四位：PolyU／排名：65／所獲分數：68.7作為唯一一路向上爬嘅PolyU都算係半隻黑馬。統領醫療科嘅佢喺可持續發展都花咗唔少功夫，每年都會聯同醫管局或者公營機構合辦一啲ESG/CSR嘅project，務求令同學仔有多啲實戰經驗之餘亦了解到自己對社會嘅重要性。PolyU雖然同第二、三位排名唔係差太遠，不過收生分數就係另一回事啦。盛產Big4新人嘅佢比較職業導向，經常會請喺Big4嘅舊生返嚟做insider嘅分享會，等同學仔可以hack the process。如果同學仔放榜希望有個穩陣嘅安全網，相信佢都會係一個好選擇。第五位：CityU／排名：70／所獲分數：67.7同樣呈下跌趨勢嘅CityU以第70位嘅姿態守住香港Top 5嘅最後一位。因為佢各項數值都同上面四間U差唔多所以我哋就唔著墨太多啦。不過我諗大家都可能需要同身邊嘅同事拎啲意見去改善一下就業表現嘅情況啦。有GBus銜頭就搶手，呢樣嘢大家都明就唔多講啦。而現今FinTech同CS堀起嘅年代，CityU亦乘勢大力推廣相關Program。入面包括去唔同地區嘅交易所進行交流、Major Leader coaching program等等。有唔少畢業生都入咗Bulge Brackets繼續發展事業，如果有興趣就要留意啦！中六嘅同學仔睇完之後有無心頭好呢？如果有就心動不如行動啦！排好JUPAS之後記得留意多啲我哋嘅最新動態，我哋嘅coaching program係隨時歡迎啲有能力又有衝勁嘅同學仔㗎。時間唔等人，有興趣就即刻去我哋嘅bio link了解詳情啦！