FTX爆煲事件 同香港有無關係？如果想入Crypto行業有咩警惕？💸「一秒鐘幾十萬上落」再唔係電影對白，呢兩星期相信就算平時幾無留意、無玩開Crypto嘅人，都會聽過「FTX／薯條哥／身家清零」呢堆關鍵字，今個post就重點講下FTX同香港有咩關聯，同學如果想加入Crypto行業有咩警惕，呢行有咩Internship機會啦！FTX一星期前仲係Binance（幣安）以外，全球第2大嘅Crypto Traders，創辦人之一、人稱「薯條哥」Sam Bankman-Fried （SBF）2019年喺香港創立FTX，之後一度長居，睇準香港國際交通便利，相比內地同歐美，政府對Crypto活動監管寬鬆，好多Big-names例如Crypto.com、OKCoin、Bitfinex等都曾以香港做總部或活躍基地，只係港府同SFC舊年修例咗，唔俾散戶參加交易，限制FTX等交易所只可向專業投資者提供服務，所以今次FTX爆煲，先無乜聽到超多香港散戶中伏。不過對Wall Street 同好多間大型Venture Capital黎講就影響深遠了，包括BlackRock、Sequoia Capital、Ontario Teachers'、SoftBank Group、Tiger Global、Temasek等都係FTX投資者。FTX未出事前，經常擔任Crypto界「白武士」，打救多間陷入財困嘅虛擬貨幣公司，因為始終整個ecosystem都係去中心化，自然就無咩中央銀行幫手可言，政策都係唔完善。今次連白武士都GG，嚴重影響大行同金融機構對加密貨幣嘅信心。In case 大家想超快速重溫一下條timeline ＞＞11.2：CoinDesk 文章話SBF旗下FTX姊妹公司Alameda Research資產負債模糊，最大單一資產係FTT（FTX旗下的代幣），令人擔心財務狀況唔係獨立而健康，資不抵債。11.5-7：Twitter大戰，幣安計劃退出FTX幣安創辦人趙長鵬 (CZ) 5號喺Twitter 發文話「Crypto is high risk」。之後交易鏈上出現咗一筆價值 2300萬嘅 FTT轉移記錄，一日後CZ都確認咗，屬幣安所持有嘅部份FTT資產，交易獲得 21億美元。其後佢同SBF開始隔空嗌交，CZ都揚言出售持有嘅FTT，包括幣安對FTX嘅早期投資，仲將FTT同之前崩盤嘅LUNA幣比較。FTT價格呢個時候開始坐過山車。11.9：幣安打算收購 FTX，一日後撤回幣安先喺9號簽咗一份不具約束力嘅意向書，打算收購FTX幫手救亡，SBF 亦聲明話收購可以確保客戶如期拎得走 FTX 嘅資金做交易。但一日後幣安基於corporate due diligence考慮，撤回收購。11.10：WSJ報道，Alameda Research 倒閉《華爾街日報》披露，SBF涉嫌挪用客戶資金，引發美國SEC同CFTC介入調查，仲會查埋FTX 同Alameda等關係，相信就係幣安交易不成嘅主因。同日SBF 宣布結束Alameda。11.11：FTX 申請破產＆SBF請辭幣安撤出後引來大批用戶跳船，FTX 亦着手帶望搵投資者尋求約 94 億美元嘅救援資金，但一切似乎太遲，FTX同日申請破產。SBF亦辭去 CEO 職位。佢更被指高達160億美元身家幾日內「清零」，可能係幣圈最慘烈嘅身家蒸發事件。11.12：10 億美元客戶資金下落不明路透社報道，至少有 10 億美元的客戶資金從 FTX 中消失，懷疑SBF響會計系統裝左「後門」程式，曾秘密將 FTX 100 億美金轉移到 Alameda。一日後更傳出SBF同其他創辦人，包括Alameda CEO搵緊辦法逃去跟美國無引渡條約嘅杜拜。到今個星期，有報道話，SBF在FTX申請破產後仍試圖籌資，但牽涉債權人可能超過100萬。FTX係舊年先將總部遷到巴哈馬首都，今年4月新大樓動土儀式連巴哈馬總理亦親自到場，大讚FTX為當地帶來無限商機。而現時巴哈馬執法部門就話金融犯罪調查處調查緊FTX，目前仲喺當地嘅SBF有機會要被送返美國。呢場風波可以話大家都輸，Bitcoin 同Ethereum都價格重挫，CZ都著手成立行業復甦基金，幫助喺其他方面表現強勁但處於流動性危機中嘅Projects，希望保住重建Crypto industry。相信未來日子，點樣保持加密貨幣去中心化及自由市場 VS 加強監管機構管理及審查避免FTX2.0出現，都係國際性爭論重點，而香港都有一份《有關虛擬資產在港發展的政策宣言》，港府提出嘅幾個試驗計劃，例如代幣化方式發行綠色債券等，都會係大家需要關注嘅方向喇！同學想入行Crypto industry係唔係都要冒超高風險？咁又未必，經過今次事件好多公司都會採取唔同對策調整，正正就係學嘢嘅大好機會！Career Hackers 決定限時延長Virtual Global Entrepreneur Internship Program，同學可以趁呢個Winter去Global Start-up度做，有6個產業包括Crypto俾大家揀，見識Silicon Valley公司點樣run，加埋career coaching磅住你，仲唔即到Bio Link 報名？！😎