EY 爆高層性騷擾女下屬醜聞 揭Big 4 上位有潛規則？😰

EY 爆高層性騷擾女下屬醜聞揭Big 4 上位有潛規則？😰Big 4 四大會計師事務所出名競爭大又工時長，好多人都話三、四年係一個分水嶺，一係就會天長地久做落去不斷晉升，一係就頂唔住跳糟或利用Big 4個朵轉份舒服啲嘅工。不過最近Big 4之一嘅EY (安永)就爆出高層員工性騷擾下屬嘅指控醜聞😥，令好多人都熱烈討論唔只EY，係唔係Big4都有好多潛規則，升職唔止靠捱得過同有業績，有特別關係就會升得快過火箭呢？今次同大家簡單講吓件事，希望同學返工／networking時都要小心提防啊～先講講件事來龍去脈。上個星期網上突然流傳一份署名EY 香港Core Business Consulting – Supply Chain & Operations Team Manager 嘅實名舉報😡，話自己同女同事受到多名高層職員，包括一名大中華區嘅senior partner嘅職場欺凌及性騷擾。而導火線就係今個月8號嘅一場唱K聚會，舉報者描述嘅事發經過及時間都非常詳細，當中唔少情節令人乍舌，指佢被管理層要求加班放工之後去K房「陪老板」，而到場後自己及女同事都被高層借醉「鹹豬手」👋 ，儘管多次表明拒絕不果，女高管不僅無施予援手，更在活動完結後惡意抹黑受害者，舉報者更聽到女高管話：「呢個世界就系咁黑暗」。而事件更令其中一名女同事情緒受困要睇心理醫生😔，舉報者質疑自己及唔少女性下屬都被當為對上級利益輸送的性資源，認為「me-too」運動之下，作為喺頂級跨國審計諮詢公司，仲做咗10幾年嘅高管居然能夠喺公開場合利用權職做出下流舉動，於是忍無可忍，表明「不接受任何的道歉和賠償，只希望正義能夠伸張」同埋「還受害人一個公道...還EY 一個正直的企業價值觀、充滿正義的企業文化和一個充滿安全感的工作環境」。咁件事係唔係真嘅呢？內地媒體好快就搵到一份署名為安永中國董事長兼大中華區首席執行官Jack Chan發出嘅內部信，話EY已經啟動調查程序👊，亦向有關嘅人提供咗「即時、持續的支援」。EY發言人都強調，公司堅持對任何不道德行為持零容忍態度，並致力於維護包括誠信和尊重在內的核心價值觀。任何違反《全球行為準則》的行為都將會以嚴厲、果斷和相稱的紀律處分來處理。無論個人在機構中屬於何種職位、職級或部門都必須遵守。大家也應當在獲悉此類行為時及時發聲。不過EY就無正面回應過，被指控性騷擾及捲入事件嘅高層人員需唔需要被停職，亦話為咗保障員工私隱唔會進一步回應事件了。信件瞬間引來唔少人討論，更有聲音話呢類潛規則喺Big 4 一直都有🤨，只不過當事人一係就係既得利益者，一係就無人夠膽爆出來😖。好多人都大讚今次實名舉報嘅女生好有勇氣及策略，據講佢一共寫咗繁體、簡體及英文三個版本，並經內部send俾大部份部門，令到高層無得唔正視同着手處理呢個舉報，以保持EY嘅名聲及形象。不過呢件事都提醒咗好多人，如果真係遇到不公平或職場欺凌事年，哪怕對方好似「巨人哥利亞」咁大勢力都唔好啞忍，因為保護自己先係最重要。而同學做實習或返full time後，都有好多機會會被邀請同人networking 或做team building，呢個時候如果對場境感到不安或有懷疑⚠️，記得要同自己信得過嘅同事、家人、朋友報備以防萬一。我哋coaches 不時都會去吓同搞下唔同嘅networking events，對唔同類型嘅harassement 都會好警惕，識得回避敏感場合同埋適時say no❌都係一種好重要嘅技能同手段，唔好因為怕對方係上司就懷疑自己真正正確嘅judgement啊！想知更多職場生存技巧同networking tips，記得follow 我哋ig 或DM了解更多我哋嘅coaching program啦！