之前就講過investment banking exit opportunities 大概係啲乜。咁可能有唔少同學仔已經疊埋心水諗著入IB，然後揀緊exit opportunities。但係入IB 同埋exit opportunities都要博曬命預備。講到咁，即係要準備乜啊？大概咁講下啦～第一，就係要勁早準備！「吓？噏乜嘢啊～乜都係越早準備越好嫁啦～再講即係要早到點啊～」聽著先～入IB 咁最好緊係要有相關經驗啦，講咁多，即係有要爭intern 喇。之但係近年investment banking 會預早一年請人，即係話如果你想year 4 （有d 同學係year 3 or 5，總之係last year 啦）有intern 做，咁你係year 3 嘅時候已經要去面試啊果啲。再講得白啲，正常黎講你都係拎住year 2 或之前嘅experience 去面試，即係話你完year 2 嘅時候，你份CV 已經要見得人，對得神喇。咁樣你話要幾時準備啦，local 嘅學生可能好少少，但係海外嘅學生就真係要有一開始就知道自己想入Investment banking，然後有year 1 開始就要準備。第二！其實都冇話咩第二，之不過係講下應該點樣看待exit opportunities 依樣嘢。首先，你唔應該將exit opportunities 睇成至高無上，搞掂就完嘅嘢。就連exit 依個字都有d問題，佢只係講緊單方向嘅行動：由investment banking 轉到其他嘢上面。但其實睇多d，你可能應該咁諗都未定：「我仲讀緊大學嘅時侯會借intern 嚟試下係唔同exit opportunities 嘅field做嘢嘅感覺，或者有啲人可能係MBA 或者Master嘅時候咁做；之後就入Investment banking，跟住諗吓返去邊一個field」rather than 入IB，是但搵一個field 甩難。好啦，講晒啲vague嘢，就入正題啦。究竟你要點樣或者有啲乜先做到IB Exit Opportunities ?😤真·第一 ： 要係大行（Bulge-Bracket）或者好勁嘅精品投行（Elite-Boutique Bank）入面做！！🙈如果你係喺是但一type 嘅bank 嗰度做，咁你好大機會會攞到Mega - fund 嘅offer 。🤵🤵所以比起某一間特定嘅銀行，「喺邊一種嘅銀行」係更加緊要。所以，如果你要係兩間大行之間做出選擇，唔好淨係睇個名，倒不如睇下你鍾意邊一個嘅team 或者culture，反正相差不大。💁之但係就算你係中型或者小型嘅投行做嘅話，你都係有機嘅～只不過你自己要準備更多嘢，而且要aim 啲細啲嘅firms 🙆真·第二 ： 正确嘅地理位置🌍🌏🌎咦嘻，乜關geog 事咖？其實係講緊你要搵嘅，就喺New York, London 同埋 Hong Kong 搵咗先，rather than 其他係北美、歐洲同亞州嘅城市，因為佢地真係多好多exit opportunities。（好似冇乜用.......？）真·第三 頂尖學府同埋一樣咁頂尖嘅GPA !!冇錯啊，又係依兩樣野啊～有期係依加咁早開recruiting，好難有好多勁嘢寫，心諗人地外國讀大學都未夠一年，唔睇重你間學校同GPA，睇咩先？真·第四 恰當嘅industry background因為你係好難由一啲好專門嘅嘢，例如FIG investment banking，轉佢一個比較general 嘅team ，例如healthcare 或者consumer/retail-focused private equity fund。真·第五 Solid 嘅項目流量（deal flow)由其係啲Private equity 嘅interview，如果你仲未做過deal，你真係唔會有好多嘢講。你可能會用「太快啦！」嘅藉口嚟頂住，但係冇改你處於劣勢嘅事實。真·第六 正確嘅準備！！好奇怪嘅係，就算係出身於名牌大學，係top bank 到做緊，唔少candidates 連 stock pitch 或者investment recommendation 都唔準備就走咗去in，em.......真係耐人尋味........🕵️真·第七 相關嘅Pre-banking experience 💂🤴理想嚟講哩，你最好之前係有做過同你aim 緊嘅exit opportunities 相關嘅Internship 。例如，如果你aim grwoth equity roles 嘅話，你最好就做過VC 或者PE 嘅intern 啦！又如果你唔想係啲超～專門嘅industry 做好長嘅時間，咁就盡量避免好似FIG 依啲咁專嘅intern la~又又又如果你想做Private equity嘅，咁就最好避免ECM 或者 DCM 嗰啲，因為你唔多會體驗到real 嘅deal exposure。嘩～好多嘢做，好嘢煩啊！！！仲好似係起跑線就輸咗啊啊啊啊～唔緊要，最緊要諗清楚之後你要做啲乜，你可以做啲乜，同埋應該做啲乜。🗿🗿🗿唔知嘅，就繼續留意我地，打發吓時間啦！