Corporate Banking點入行🤨？轉行又有咩出路？

[Corporate Banking點入行🤨？轉行又有咩出路？]上一次同同學仔介紹左企業銀行同埋佢哋一啲日常嘅工作，今日就等小編同大家分享一下企業銀行嘅入行條件同埋轉行出路啦。有興趣嘅同學仔記得留意住啦！🤩入行一般分為兩種，分別係畢業直接入行同埋有幾年工作經驗之後入行。🎓🧳Fresh grad: 好多人都會一畢業之後就入行。同投資銀行比，Corporate Banking嘅入行門檻低啲，競爭亦都冇咁大👥，始終佢對人才嘅要求冇咁高，人工亦相對來講亦比較低，所以對於想入銀行而競爭力又比較低嘅同學仔，企業銀行係一個唔錯嘅選擇。銀行一般要求同學仔又係金融或者會計方面嘅相關資歷，一個中上嘅GPA（3.3-3.4），一般來講都有好大機會會入到行。🤩After several years of experience: 亦都有人會喺做咗幾年之後轉行去Corporate Banking。佢哋嘅工作經驗相當廣泛，但係通常都係喺金融或者銀行領域，例如credit rating agency(信用評級機構），credit research firm (信用研究），又或者係銀行嘅其他相關部門，例如commercial banking (商業銀行)。🏦面試方面同其他金融行業好相似，亦都離唔開fit/behavior questions。technicals 方面，企業銀行比較注重accounting 同credit 嘅專業知識，有興趣嘅同學仔要喺呢方面下功夫啦！📊📚📝咁當然啦，好少人會成世都留喺同一個行業，轉行係一件好正常嘅嘢。咁到底喺Corporate Banking度做轉行又有啲咩出路選擇呢？🤔同投資銀行唔同，Corporate Banking嘅轉行出路相對窄好多。如果離開銀行嘅話，好多人都會選擇去大公司做corporate finance🏢🏢。另一方面，如果你喺Corporate Banking累積左一個好solid 嘅client base，轉去private banking 或wealth management 都係一個好常見嘅選擇👤💵。如果想轉行去Hedge fund, private equity呢一啲競爭性極高嘅行業，direct entry係接近冇可能，一般如果係Corporate Banking出身嘅話，會建議先轉去投資銀行（IBD) ，累積一定經驗之後先再轉去以上嘅行業。一連三集同大家分享咗好多企業銀行嘅知識，相信各位同學仔都對企業銀行有咗又深一步嘅認識。想了解其他行業或者認識金融嘅話，記得留意住我哋IG啦！下次見！🥳P.S. Our long term coaching program is now open for application! If you want to get into Corpbank, apply now! (Link in bio)