Compliance做啲咩？一文睇清楚！成日都聽人講（特別係Fresh Grad）話想入Compliance。大家知唔知Compliance做啲咩 🧐？前景又係點？就等小編介紹一下！🌟起源：🌎咁就要由2008年美國次按危機、雷曼兄弟執笠等講起，令到全世界都加強對行業嘅監管，尤其係針對投資產品銷售，以及打擊洗黑錢活動（Anti-Money Laundering － AML）同埋反資助恐怖主義 （Counter Financing of Terrorism － CFT）。因此需要一班熟悉金融法規的人才為機構把關，確保所有運作及產品完全符合各地監管條文規定。工作1：做「洗黑錢」剋星 💵金融機構的Compliance部門工作涉及很多範疇，其中一項就係打擊洗黑錢活動。銀行每日來往天文數字資金，樹大總有枯枝，很難保證每個戶口都是正正經經。很多不法份子就係利用銀行戶口調動犯罪資金，設法將資金往來「大兜亂」搞到亂七八糟，令人難以追查，將黑錢「洗白」。Compliance就係內部偵探，對可疑戶口抽絲剝繭，追蹤資金來龍去脈。唔好睇小這份工，平日要對數字好敏感，邊度突然多咗一筆唔合理嘅錢，邊度少咗一筆債…其實相當考經驗。工作2：打擊恐怖份子 🥷🏻唔會好似軍人咁拎住槍械同恐怖分子駁火，但反恐工作好多時Compliance都應記一功。因為其中一項職責就是阻截恐怖份子的資金來源。恐怖份子都要食飯同武器，爪牙可能遍佈世界各地，會設法利用銀行戶口將資金調到戰場，Compliance要幫手查出呢d「恐怖」戶口，切斷恐怖份子嘅水喉令佢哋戰鬥力大減。工作3：查客人「家宅」🏠犯罪份子銀行開戶口時候可能會做好多功夫掩飾開戶目的或戶口資料，一般櫃檯員工可能無辦法短時間內察覺。金融機構最強調「know your client」，了解客人的背景和資金來源，有時就好似一場貓捉老鼠遊戲，Compliance要查「家宅」將客人的真正身份和意圖查出來。工作4：把關好手 🥸以上三項工作其實都像偵探，不過Compliance還有另一個身份，就是法律顧問，必需對相關法例非常熟悉，知道地雷容易係邊出現，事前提出警告，避免公司誤墜法網或違約。金融機構經常會推出好多新產品和服務，設計／推廣／發行嘅人未必完全熟悉法例，如果無人把關，隨時會出事。雖然會成日被批評「窒住晒」，但佢地俾嘅意見，其他部門都無得唔聽。工作5：開會超人 💻Compliance可以分很多級數。一般嚟講，較低級的Compliance主力查東查西，愈高級就會愈多顧問角色，似個軍師提供諮詢服務，協助公司避開各式各樣的法律陷阱。很多法律其實都有灰色地帶，唔是人人可以掌握得好界線，Compliance嘅價值就在於要經常跟監管機構對口，對整個監管環境熟悉，先可以有正確嘅判斷。呢類員工差不多日日都要開會，跟不同的部門，以至管理層、監管機構開會，甚至可能有朝開到晚，了解各項目進度及交流意見。工作6：隱藏大狀 📚大公司最怕就係惹官非，所以聘請嘅inhouse counsel很多都是事務律師出生，甚至有執業資格。這類Compliance身價就最值錢，假如公司不幸中招，需要打官司，Compliance有機會要重出江湖，就算唔係親自出馬，亦要與外聘大狀緊密溝通。講到好威武，實際上都係大量日常Paper Works：．定期做內部審計．研究政治及法律環境點影響公司．向員工或部門發出適當指引，協助他們奉公守法．寫Compliance manual / monitoring procedure．處理監管機構的各類文書申請匯報入行:🤞🏻份工牽涉睇大量嘅數同文件，英文讀寫能力要夠好，定期留意世界各地最新嘅法規新聞，保持敏銳觸覺，怕悶就一定唔好入行啦。而始終呢個位需要行業最專業嘅知識同經驗，好多公司資源唔夠，亦無足夠誘因去由頭train一個junior時，就寧願用一筆大嘅錢請個資深嘅幫手，點解大家咁恨入行又想拎有compliance經驗，因為銀行的Compliance Analyst 好多起薪點已經有$30K！💰再上去可以是持牌負責人員(Responsible Officer／RO)。證監會(SFC)規定金融機構都要有最少兩名Responsible Officer，專門代表公司對SFC負責，部分Responsible Officer甚至會入董事會做高層。🙆🏻♀️Compliance咁高要求，想入行都真係要精英中的精英，或本來係某公司做過internal audit 熟識公司運作細節再轉部門。想知更多Tips 就記得Follow Career Hackers，如果唔Sure 自己的Career Path點行，就快D留言或DM我哋，Book 返個Career Planning Demo一對一同我哋傾傾啦！