Big4 2022年最新營收排名 🏅各自特色及最新Focus

Big 4 2022年最新營收排名 🏅各自特色及最新Focus想搵Grad Job 點可以唔知？#1 Deloitte: $59.3B USDDeloitte目前係全球最大間嘅會計師事務所，員工人數由2021年嘅34.5萬擴展到2022年嘅41萬。佢哋麾下咁多人力，營收當然都要對得住capacity嘅擴展啦。佢哋係過去七年嘅營收升幅足足有69%，接近USD$24 Billion有多。當中Deloitte涉及業務繁多，但佢嘅非審計業務，例如稅務法律、企業風險管理和財務諮詢等，佔總業績更大比重。Deloitte更被Gartner評為 World’s leading advisory companies之中收入排名第一，亦係Deloitte 第10次喺business consulting企穩龍頭第一的位置。佢嘅主要客戶包括：Microsoft、P&G、通用汽車、Starbucks、波音、中國電信等。喺香港，長江實業、新鴻基同信和都係由德勤核數。而係2022年，Deloitte亦投放相當多嘅資源喺員工培訓同埋 Social Responsibility。例如係L&D方面，佢哋獨有嘅學習平台 Deloitte University擁有超過40萬個包括internal 同external source嘅學習資源，俾員工自我增值。除此之外，佢哋亦致力推同多元, 平等&包容(DEI)，定期設計一啲有關DEI嘅訓練系統以及intervention。可見Deloitte對員工個人發展同社會議題都有下苦功。#2 PwC: $50.3 B USD排第二嘅就係PwC啦！佢喺全球大約有32萬名員工，而今年收獲營利升幅13.4%嘅佢個名最響就係大型審計，收入佔比亦最高，有史以來第一同第二大規模嘅IPO—Saudi Aramco及阿里巴巴就係由PwC幫佢哋做審計，去為佢哋嘅上市程序把關。佢嘅主要客戶包括：IBM、日本NTT、J&J、AT&T、Dell、阿里巴巴、通用電氣、中國銀行等。係2022年PwC亦致力發展有關商界非常關注嘅議題 - ESG方面嘅transformation advisory。佢哋有唔少行業領先嘅個案，例如係幫Baker Hughes減少50%嘅emission，亦有聯同World Bank一齊去設計sustainable financial project去達到 ESG 目標等等。相信PwC會好啱啲想學嘢、了解行業最新議題嘅同學仔。#3 EY : $45.2 B USD相信大家今年對EY最深印象，都係有關佢分拆consulting 業務上市一事，彈出彈入多次最後都係暫緩咗。因應分拆有機會要expand，上年年底EY仲開聲話會喺2023年7月前，逆市計劃請22萬人，人數增長速度係近20年來最快。但前幾個月後都改口縮水，由22萬減到16萬人，同上一個financial 年year比，算拉個平手。佢嘅主要客戶包括：高盛銀行、瑞銀(UBS)、Apple、Meta、Amazon、可口可樂、沃爾瑪、Intel、麥當勞、中信證券等。EY培訓出名係Big 4入面呼聲最高，會為新員工connect mentor去準備會計師考試。不過安永近年因為多單醜聞，包括有會計師在職期間猝死以及高層性騷擾女下屬醜聞等，無論係體系內定係對外信用都不斷走下坡。由佢負責審計多年嘅德國支付巨頭 Wirecard，係2020年被揭造假帳最終破產，外界質疑安永失職，未有發現Wirecard 竄改帳目。EY係2022年亦被美國證券交易委員會（SEC）罰1億美元，涉及幾百個員工在註冊會計師(CPA) ethics exams 入面作弊，而且EY更曾誤導調查，扣起證據，嚴重影響專業誠信。#4 KPMG : $35 B USDKPMG嘅歷史悠久，在金融特別係銀行業優勢最明顯，曾為四分之一的香港銀行提供審計服務。但KPMG亦屢有醜聞纏身，係2022年5月英國財務報告委員會(FRC)向佢罰款330萬英鎊。事件涉及勞斯萊斯年前捲入嘅貪污案，當時一直由KPMG負責核數，FRC話指KPMG無防止到賄賂罪行發生。事後勞斯萊斯亦中止KPMG嘅核數服務，改由PwC負責。同月佢亦被FRC罰款向已破產的 Carillion 賠14億英鎊，話佢喺audit quality reviews 時向FRC提供誤導信息。佢嘅主要客戶包括：港燈電力投資、渣打銀行、工商銀行、國家商業銀行、德意志銀行、英國皇家郵政、荷蘭國際集團等。KPMG為咗吸引多啲求職者而推出咗一個Elite Program。如果學生喺大學期間參加咗呢個計劃並且累積夠1-2年實習工作經驗，就有機會fast track去佢哋嘅招聘過程。如果做埋full-time員工，表現傑出仲會有入職獎勵添。同學仔如果有興趣想join KPMG就要留意下啦！心郁郁想入 Big 4？想令自己搵工更順利嘅話，就立即去我哋嘅bio link 約一個consultation call，了解下個coaching program 計劃自己嘅career game plan啦！成為我哋嘅member之後，我哋會分享有關行業嘅分析，幫不論係讀緊書嘅你，定係岩岩畢業想搵到最適合嘅職業，做好面試準備！