Big 4 開始新一輪招聘季！Promo materials 暗藏玄機？

Big 4 開始新一輪招聘季！🔥 Promo materials 暗藏玄機？e.g. 點解Deloitte要出動一個5歲官二代拍片？👦🏻俗稱「Big4」嘅四大會計師事務所（Deloitte、EY、PwC、KPMG)新一輪招聘季開始請人啦！大家交左application未啊？Big4一直都係 business＆finance 學生非常熱門嘅報工選擇，因為作為跳板真係立竿見影。呢幾年Big4請人一向都係各出奇謀，尤其係Deloitte 花樣特別多，今年内地嘅promotion video 仲出動埋中國區第一任女主席個5歲仔仔出黎拍片，分享5歲的煩惱，雖然睇完條片都唔係好知個小朋友講左咁多，關你recruitment咩事，只可以話大家promotion出招出到一個常人唔理解嘅境界。内地Big4嘅請人趨勢對我地有咩啓示雖然内地Big4請人好似唔係好關你事啦，不過其實我地可以從佢地嘅請人嘅動靜，大概分析到Big4黎緊嘅趨勢，畢竟香港區Big4係under中國Big4架嘛。8月頭嘅時候内地Big4同一時間公佈詳細資訊，包括recruitment timeline同請人條件。我地由唔同嘅promotion materials可以見到一D關鍵字眼，例如擴大招聘範圍、多元化，例如進一步開放比比所有專業，或者過去幾年畢業嘅同學都可以apply。除此以外，隨著國家提升對於 Big 4 嘅限制，有睇過我地嘅post嘅同學都應該記得，國企係contract結束之後就唔可以用Big4嘅service，加上公司唔可以連續8年使用同一間會計師行，所以或多或少對於Big4係中國業務係會有影響嘅。而隨著AI嘅發展，可以預想到雖然Auditing department唔會完全比取代，但係相對其他業務占嘅 比例好有可能會有所下降。而當Auditing需求下降，入場門檻一定會有所提升。但係Consulting方面就會越來越吃香，因爲呢方面係其他公司無辦法取代嘅，畢竟Big 4最大優勢係佢嘅economy of scale，一條龍做到Audit，Tax，Consulting，financing等等，令價格比傳統嘅Consulting公司更有競爭力。所以可以預想到Consulting同Advisory會係黎緊熱門嘅area。其次，由佢地嘅promotion strategies其實可以見到最近幾年想要D咩人，今年Deloitte同pwc都有特別提到AI同科技所帶來嘅變化，提出一個疑問就係「未來我們會被AI取代嗎？」。或者上年Deloitte搞左個元宇宙promotion talk，當中整左個元宇宙體驗官做gimmick，以一個虛擬角色嘅身份同其他部門manager「沉浸式對話」介紹公司。overall可以留意到内地 big4 刻意的吸引有stem背景的同學，過去都有開過一啲特別嘅scheme比有理科，codin、數學相關背景嘅applicant加入。入Big 4 最基本流程如果你都準備報Big 4，大趨勢以外，你都要知道最基本嘅流程，第一步就係Online Application，交CV同Cover Letter時，有冇根據apply緊個role嘅criteria調整你封CV及narrative，低級grammatical mistakes、或者唔小心upload左個template 出去呢啲就唔好再有喇～第二步一般來講都係要你做aptitude tests 同Video Interview (VI)，可以參考返我哋之前出嘅「一文了解常見 Apt Test 系統」，了解會預見咩類型嘅問題，考你計數、搵logical relationship、personality 係唔係fit 呢個role；而VI就係你要錄一段回答指定問題嘅影片，響有限時間入面精準咁deliver你嘅message＆story。Clear 之後除咗斷斷續續嘅in person interview，就係同學最驚嘅Assessment Centre / Super Day。簡單黎講就係一日之內過五關斬六將，當日你可能會預到written tests、group discussion、interview with panels等等嘅項目，全方位咁樣挑戰你嘅應對能力。呢關都過到就到Final interview見返你對應部門嘅Manager，睇下你係咪最適合嘅人選。每一關考驗緊嘅criteria 都唔同，要通過曬都真係唔係講咁易！了解行業最新方向多少少，從行内人士聽下最真實嘅情況，都會對你為自己make decision有幫助，如果唔想交完 application 嘅時候比人淘汰都唔知發生咩事，咁就要有experts 幫你review同planning～宜家就去我地嘅bio link到了解我地program，schedule 個consultation 去plan下你個roadmap喇！