B以外嘅 Private Bank選擇 盤點4大PWMA Boutique Banks 邊間業績係最好？

BB以外嘅 Private Bank選擇盤點4大PWMA Boutique Banks邊間業績係最好？同學仔好多都話想投身Private Banking，但係除咗apply bulge brackets之外，熱門嘅Private Bank仲有其他選擇？無錯，就係Boutique Private Banking啦。到底佢哋有啲咩唔同？邊間係top tier performer？咁就要繼續追post啦！Boutique Private Banking係啲咩？精品私人銀行係由啲規模細啲、專業嘅金融機構提供嘅私人銀行服務，佢哋會因應客戶嘅唔同需要去度身訂造服務而備受歡迎。佢哋會向客人提供唔同種類嘅服務，例如財富管理、投資建議、稅務規劃、遺產規劃同埋資產保護等。佢哋可能無大型銀行咁有名望，但好多員工都鍾意精品銀行部門之間緊密合作嘅感覺，而且佢哋喺Boutique Private Bank有工作經驗之後多數都好容易地將自己嘅技能transfer返去大型銀行。Bulge Brackets Private Banks vs Boutique Private Banks?訓練精品銀行對於新人提供嘅培訓更加實戰導向，期望喺短時間內增強大家某個範疇嘅技巧，並向新人提供更廣泛嘅經驗。例如LGT就會allocate project俾新人做co-lead，等大家可以喺過程扮演更具挑戰性嘅角色，亦可以幫助大家建立自信心同埋領導技巧。薪酬精品銀行嘅起薪點未必會同BB嘅Private Banks嘅一樣咁吸引，但佢哋會提供更多關於薪酬方面嘅談判空間。而BB Private Banks通常薪酬制度已經standardise咗，員工對自己嘅薪酬嘅影響力可能比較有限。有咩Boutique Banks可能會啱我？今次為大家介紹嘅呢四間銀行就係2023年根據AUM為基準嘅，佢哋仲參加咗私人財富管理公會(PWMA) Program添。呢個為期最少16星期嘅人才培訓計劃將會喺嚟緊2023及2024年夏季期間提供，其中包括為大學生提供共兩期於私人財富管理領域嘅培訓。Banque Pictet & Cie SAAUM: $491BPictet係一間瑞士嘅精品銀行，佢哋嘅業務主要包括財富同資產管理。作為最具吸引力僱主排行榜前40名嘅佢哋除咗專注發展業務之外，亦都喺社會上擔任重要嘅角色。佢哋係UK「多元化項目」嘅指導委員會成員之一，令銀行行業更具包容性；同樣佢哋亦係保護水資源上進行大量回饋，包括投資及管理同水資源有關嘅project。除咗業績優秀之外，仲係良好顧主同世界公民添！Julius BaerAUM: $478B同樣嚟自瑞士嘅Julius Baer以培養technical技術優秀嘅banker而出名。佢會俾新人好多training包括digital competence、product knowledge、advisory skills，直到大家成為Certified Wealth Management Advisors (CWMA)，等新人可以處理既複雜又需要策略嘅交易。而且佢哋亦好重視向員工提供唔同家庭福利，包括了解你嘅family need再connect你去啱嘅network，甚至幫你搵partner都有添！LGT Private BankAUM: $320BLGT係一間由列支敦士登嘅Royal Family設立嘅私人銀行，同其他銀行嘅特別之處係佢哋嘅客戶可以運用列支敦士登皇室家族相同嘅策略做投資，並獲益於累積咗超過百年嘅專業知識。呢類投資組合主要用嚟投資於多元化嘅資產類別同市場，務求取得類似於全球股票組合嘅長期回報，只需面對比較小嘅價格波動。如果同學仔有幸入到LGT嘅話，相信皇室策略嘅組合都會係一個特別嘅learning opportunity，寫落CV到都eye catching啲！EFG Private BankAUM: $161B瑞士真係盛產好多銀行，包括最後講嘅呢間EFG。佢哋嘅業務包括Advisory、Credits & Financing、財富管理及委托等等。佢近年有個戰略計劃，就係希望喺2025年之前喺亞太地區擴大佢嘅業務。佢哋已經公佈聘請咗八位新嘅客戶關係主任 (CROs) 去加強香港同新加坡嘅團隊。今年Intern recrutiment就過咗啦，大家有興趣嘅話記得留意吓下年嘅program opening啦！好多對私人銀行有興趣嘅同學都係咁DM幾時我哋會再有講PB嘅webinar～所以我哋將會限時一星期開放由UBS Private Banker 準備嘅《Private Banking Masterclass 2023-2024》，機會有限，想聽就即去我哋嘅Bio Link到register！