Assessment Centre 懶人包！無得臨急抱佛腳嘅關卡🍗 想順利拎到Offer就要睇！唔知大家有冇試過喺報工報Intern嘅時候，喺 #AssessmentCentre (AC) 止步，但係唔知自己衰咩，同埋唔知點樣準備比較好？雖然今年嘅job openings 暫時都未有邊間行、邊個role 已進入AC 環節，但由於AC本質上要求好多trainings，好少好少同學係可以做到今晚prep，聽日順利上陣嘅程度，所以都提早提醒大家，先了解多啲有關AC嘅資訊，就算今日開始做準備都仲有時間！按Career Hackers 同學經驗，只要順利通過AC，就會有好大機會可以攞埋最終Offer㗎啦 😆！🔸究竟AC係咩？呢關會用唔同形式嚟測試應徵者嘅語言能力、溝通能力及分析能力等等。咁樣啲大firms，例如：投行、銀行、地產發展商、Big4等等，就會以AC作為篩選人才嘅一關，佢地可能會要應徵者當日現場再做一次Apt Test、Written Test等。🔸幾個常見環節，例如：1️⃣Business Case Discussion (BCD)BCD應該係Bank MT 最常見嘅評核形式之一，大概8-10個一組，跟住應徵者就會收到一份information pack，咁需要喺指定時間內睇完啲資料，然後再以小組形式同組員討論間公司有咩問題，為商業問題提供解決對策，而最後亦需要匯報返新嘅 Business Plan / Proposal。準備Tips:👉🏻記住啦，唔一定係做Lead表現先最突出。只要係過程入面搵到自己嘅定位，例如：幫手整理下討論咗嘅內容、數據分析等)，適當咁展現自己嘅團隊合作、溝通能力，都可以令Interviewer對你印象深刻㗎！2️⃣Individual Business Case Discussion (IBCD)IBCD 同小組形式嘅BCD 都有少少相似，應徵者同樣都會收到一份 info pack，需要係指定時間內理解曬入面嘅內容，思考解決方法同埋準備要匯報嘅內容。但IBCD特別嘅地方係，當應徵者匯報完之後，面試官會針對匯報嘅內容發問問題，然後應徵者就需要就住問題回答返合理嘅答案。準備Tips:👉🏻由於係個人形式啦，大家記得喺睇資料嗰陣要特別小心，如果理解有問題就冇人救到你㗎！👉🏻記得預留充足嘅時間預備講稿！👉🏻如果仲有時間剩記得預備埋 Q&A會問嘅問題！🔺雖然Business Case 討論嘅類型眾多，但普遍都係想考核同學以下能力，包括：思維邏輯能力 (需要有系統同有效率地組織諗法）推理及數理能力，以及基本嘅商業知識團隊合作、溝通能力 (需要同其他組員清楚交流意見，並達成共識)處理應對能力 (當面對唔肯定或者資訊不足嘅時候，會點樣應對同埋處理呢？)整理分析能力抗壓能力 (如果公司最後請咗你，你能夠喺壓力環境下，代表公司面對客戶嗎？）3️⃣Aptitude TestApt Test 喺近年都被好多公司直接將當為基本門檻，應徵者必須通過測試先可以去下一關，獲得面試嘅機會。佢主要目的就係想測試應徵者係各個方面嘅能力，包括：語文、數理、邏輯推理能力等。有部分測試仲可以分析到應徵者嘅性格及解決難題嘅能力，喺測試結果入面判斷究竟應徵者係咪適合其公司。有公司都會要求同學係AC嗰陣再做多次Apt Test，確保大家唔可以圍爐一齊做、或請槍做。準備Tips:👉🏻可以睇返我哋早前嘅post「SHL? Cut-e? Job Sim? Hirevue?一文了解常見Apt test系統」。而加入咗我哋coaching program嘅同學，就可以響報工收到request時拎past paper，甚至最新一年嘅題目做定準備，大大提高成功率啊！4️⃣Team GamesTeam Games玩法就好似大學嘅ODay咁，但形式多變，除咗室內遊戲，有時候都會去室外玩 City Hunt，或者做類似密室逃脫或者角色扮演嘅任務！過程都好考驗應徵者嘅心理質素同埋團隊精神㗎！準備Tips:👉🏻通常一做都要幾個鐘，大家就算幾攰都唔好鬆懈啊，保持專業一面，因為你喺做task同喺休息時間嘅表現都係評估範圍入面㗎！5️⃣Role Play其實同IBCD有少少類似，但係喺Role Play入面應徵者會獲派角色同埋一份info pack，而睇完客戶相關嘅資料後，就要根據info pack入面嘅要求同面試官情境對話，例如推銷產品，回答下客戶問題等。準備Tips:👉🏻記得需要同客戶達成共識，明白客戶需求、困難等！👉🏻最終目的要同客戶建立長久嘅關係，唔好只掛住嗰刻嘅推銷係咪成功！AC就係想一次過考哂大家嘅Soft Skills同埋相關商業知識😣！而且好多時係團體戰，遇到攬炒型對手真係唔小心就被team kill。對同學來講組隊練習本身都有一定難度，所以先話唔係overnight就預備好，要有恆常有Training架！呢個都係Career Hackers Pro嘅重點之一，我哋會安排好coaches同同學組團做drills，如果你都報緊工想趁仲有時間prep，就快啲去bio link約個call了解我哋program啦！