27歲做Managing Director 升職快過火箭🚀比起運氣更加重要嘅因素係...？27歲做Managing Director係咩概念？喺大型投行嘅一般晉升階梯入面，食物鏈嘅底層係Graduate Analyst，做夠2-3年就升做Associate，然後表現唔錯升咗做VP開始lead team又3-5年，再升Director又3-5年起跳。咁計法，大大話話都要10-15年先上到去MD呢個位，假設你畢業嘅時候22歲，正常嚟講做得MD嘅都起碼35歲以上。不過，凡事都有例外，就好似Goldman Sachs嘅Kunal Shah咁，佢升MD嘅時候只係得27歲，成為一時佳話。雖然佢係最出名嘅一個，但其實30歲樓下嘅MD比大家想象中更加普及（Dan Avery、Sam Berberian、Murtaza Ahmed）。究竟呢班人係點做到升職快人一倍呢？天才？努力？運氣？要做到Outlier嘅條件望著佢哋咁成功，大家可能心諗呢班人一定係名校學霸、人中之龍，仲要比我哋呢啲凡人努力十倍，再加多多運氣先做得到6年內升MD呢種壯舉。無可否認，呢啲因素缺一不可，或多或少都影響幫助佢哋事業嘅發展。但係，入得ibank嘅，又有邊個唔係常春藤畢業，邊個唔係頂緊100 hour work week？咁點解佢哋能夠成為精英中嘅精英，而其他人就算幾叻幾幸運都要用多一倍時間，去到35歲先做到？無論係天才、努力、定係運氣，都唔係佢哋能夠出人意表嘅決定性原因。要成為任何一個界別或者任何一間公司嘅Outlier明日新星，最重要嘅係知道自己留喺邊啲位置最有優勢。要成功除咗要努力裝備自己之外，更加要識得宏觀咁睇成個行業嘅發展空間喺邊度，喺邊度最多機會展現自己嘅才能。你搵得啱個環境，就能夠順水推舟跟著成個行業、部門業務極速向上爬。做Trader好過其他部門？就例如喺投行，做少少統計嘅話你會發現，好多好似Kunal Shah 30歲以下嘅MD，大部分都出自Global Markets部門任職Trader。Trader負責幫客戶又或者間firm去買賣股票或其他投資產品，從而賺取買賣之間嘅差價（bid-ask spread）。喺市場順境嘅時候，可以手持有上升潛力嘅股票；喺市況動盪嘅時候，又可以捕捉到嘅差價亦都會越大，變相賺取更大嘅利潤。人工方面，做Trader比起投行其他部門相對無咁容易受到市況影響，因為無論升定跌，都有能力幫間firm搵到錢。所以唔好睇佢同investment banking division起薪點唔差得太遠（～HKD70,000），計埋bonus嘅話，Trader往往贏返一截。去到中高層，甚至可以分到特定嘅profit share，實際每月嘅compensation，分分鐘過百萬，喺market-making、對沖基金或者buyside firm嘅trader更甚，有啲初入行已經攞緊10-20萬一個月。做Trader唔受市況所限，可想而知亦都更加多機會去表現自己嘅能力，自然多啲晉升機會，亦都唔使成日心掛掛驚經濟差就俾人炒。唔單止咁，好多buyside firm都會喺投行嘅trader入面挖角，所以唔少投行都會花盡一切努力去留人，而其中一個方法就係極速拔尖晉升一啲佢哋認為有talent嘅trader擔當大任。呢個就正正係點解喺Global Markets嘅trader，可以比其他部門嘅ibanker快一倍升職，而最近Citi升MD嘅名單入面，有大部分都係嚟自Global Markets。Trader既然咁有優勢，心郁郁想入行又要點準備？睇返呢啲星級MD，個個都數學系畢業，係咪潛規則嚟㗎呢？唔係讀finance又係咪無機會？有興趣入行但係唔知自己啱唔啱嘅話，唔使擔心，只要留意我哋嚟緊7月29日9pm HKT嘅webinar：【All about Trading: How to break in as a Newbie】！我哋Career Hackers邀請到喺美國嘅 Prop-trading firm做緊嘅Sherwood，以行內人嘅身分，分享下佢點樣由consulting嘅背景轉行做trading，同埋：✅ 歐美同亞太區嘅Trading實況✅ Trader人工、出路、職場晉升階梯✅ 唔同種類嘅Trade以及各自嘅Requirements✅ Trader所需嘅intangibles✅ 請人嘅內幕消息想知多啲Trader每日係做啲咩，去bio link register個webinar直接問Sherwood啦！