2023 QS 世界大學學科排名出爐 📊重點分析 Accounting & Finance & Business 表現PolyU排得仲高過CUHK?!最新國際高等教育機構Quacquarelli Symonds 嘅「QS 2023 世界大學學科排名」出爐喇！相信大家有睇新聞都會知香港整體來講都跌跌跌跌跌…而呢個榜比起一貫QS百大更值得關注嘅係，佢唔係計院校in general，而係按學科表現排名！我哋就抽出同學及followers 最關注嘅 Accounting ＆ Finance ＋ Business Management Studies，針對性地分析最Top 院校係邊間，亞洲區對手來自邊度等等，畢竟見工時對手（99％）唔會係牙醫，而係讀同一科嘅人嘛～而且都想警惕同學，唔好基於大學總排名而輕敵或妄自菲薄！一齊睇詳情！Accounting ＆ Finance呢個學科今年香港院校排名頭兩位同上年換咗位！港大以全球排名32（2022：#27），超越今年跌至34位（2022：#25）嘅科大，換言之今年科大真係跌得好甘啊！而中大就由上年全球排40後跌5名；理大亦由上年#57跌至#67；城大就以#76成為排本港院校第五。咁呢一科邊間U係「世一」呢？就係美國哈佛大學。而亞洲區排在港大之前嘅五間大學分別就係新加坡國立大學、南洋理工大學、北京大學、清華大學及位於新加坡嘅歐洲工商管理學院。Business Management Studies而呢個學科今年本港院校排名就完全無洗牌，同上年一樣！都係由科大以全球排名31（2022：#24）排香港第一；而第二就係全球排46嘅港大（2022：#41），同科大都真係有段距離；而理大就連續兩年力壓中大排第三，睇返2020年時，其實理大仲係排喺城大及中大後面，不過城大就真係令人跌眼鏡了，由2020嘅全球#48，跌到今年排#101。而呢科「世一」都係美國哈佛大學。亞洲區排科大之前嘅四間大學分別係歐洲工商管理學院、新加坡國立大學、南洋理工大學及ESSEC高等商學院，科大亦以全球一名之差排喺上海交通大學及清華大學之前。呢個QS ranking 綜合咗全球 1594間大學提供嘅15700 個學科嘅排名，而排名基於五個指標，包括學術聲譽、來自全球graduate employers 嘅75000份調查回覆、每篇論文引用研究數量、學者出版作品嘅生產力和影響力，以及國際研究網絡（international research network）。就係最後呢一項，香港得分只有42.9，QS就話香港院校同海外大學建立夥伴關係方面，比拎到61.3分嘅新加坡同48.3分嘅內地弱，亦都處於全球平均水平 49.9之下。以上提到嘅兩個學科其實都同整體排名下降趨勢一致，本港9間院校178個學科入面，有成120個排名下跌，上榜學科內入到頭100名嘅只有56％，比起新加坡嘅87% 差一大截，屬於有超過5間院校或以上入榜百大嘅地區之中，跌得最勁嘅地區。QS都形容香港院校「has struggled」，Senior Vice President Ben Sowter都提到院校研究時，保持做出high-impact 嘅研究係優先，但院校嘅research agenda 同優先考慮 international collaboration都好重要。無論做research、寫paper、睇新聞、prep 面試，Career Hackers 都想大家睇得diverse 啲，要留意全球局勢對自己有咩implications，因為講到尾，如果同學係想入Global banks、MNCs，你一齊競爭嘅人一定唔止locals，相信大家都聽過我哋唔少同學sharing，試過last round 見到ivy league對手，到時recruiter當然就會比較邊位同學目光、認知夠廣夠深。無論你係三大定非三大，如果想prep得夠in-depth 而同時突顯到自己嘅優勢，同埋有insider tips，就快d到bio link 了解下我哋個coaching program 及book 個call 傾傾career path啦！