2022 DSErs 請注意⚠️⚠ 一文解更多關於5大JUPAS Business搶手神科！🥳

2022 DSErs 請注意⚠️⚠一文解更多關於5大JUPAS Business搶手神科！🥳7月20號DSE放咗榜啦！可能唔少人都改緊JUPAS最後排名！今日就等小編為大家介紹下5大JUPAS Business搶手神科啦😎～🔸講起Business神科，唔知大家會諗起邊科先呢🧐？而小編首當其衝諗到嘅就係環球商業，大家俗稱嘅GBUS。而話晒係Global Business喎，DSE真係要考得好好先入到㗎🥺。而八大入面較有歷史嘅係 CU嘅GBS 、 UST嘅GBUS、同埋HKU嘅IBGM。1️⃣CUHK GBS 🌟中大嘅GBS Year 1同 Year 2都會留喺中大同其他BBA同學讀差不多嘅課程。Year 3嘅上半年會去美國嘅University of North Carolina交流半年，係嗰度同學會繼續讀所謂Soft Skills嘅courses (Leadership、Negotiations等等)。不過據說有好多同學反而會選擇讀少啲書，去多啲旅行，體驗下更多美國嘅風土人情文化等😎。另外Year 4嘅上學期亦會有一次嘅交流去丹麥嘅Copenhagen Business School，呢間亦係全世界Top 10嘅商學院🔺。2️⃣UST GBUS 🌟科大所有讀Gbus嘅同學都保證了可以去自己選擇嘅頂尖商學院海外交流至少一個學期，同學仲可以通過學校嘅交流計劃享受第二次交流🥳。同學更可於第 2 年秋季學期完結時，申請修讀以下其中一項延伸主修：人工智能或數碼媒體和創意藝術。成功完成延伸主修嘅同學將於畢業時獲得包含佢哋選擇嘅主修及延伸主修嘅頭銜😎。3️⃣HKU IBGM 🌟港大IBGM課程旨在培育具國際視野和文化觸覺、以及能承擔社會責任嘅未來商業領袖，課程內容全面😎。除商業知識以外，同學亦需修讀跨學科的課程，如政治、社會科學及法律等，以強化同學在商業及國際環境等方面的知識基礎。而且港大亦着重同學嘅國際交流，包括海外交換生計劃、海外交流研究或到跨國公司實習😎。宜家嘅你望住三大GBUS嘅2021收生分數，可能會覺得好似夢咁遙遠🥸，但其實只要你達到個minimum score，就會guarantee你會有second round interview㗎啦！咁所謂達到個minimum score都要有返咁上下嘅分數啦，大概Median低1-2分，或者同2021年嘅Lower Quartile (LR)一樣或者低1-2分。始終都唔知道今年收生分數會係點，最好就要係Interview度俾足心機，表現得好啲！相反，如果你DSE考得唔錯，拎住個好高分嘅成績，都唔好太過有自信🥸。因為Interview佔嘅admission score為40%，即係代表GBUS呢科係非常睇重面試，所以有意想入讀呢科嘅同學仔記住要準備好依個面試，睇多啲唔同方面嘅新聞，特別有關商科或者最近嘅時事。如果夠分但係interview衰左嘅話，就算你係狀元，GBUS都未必會收你，所以代表住面試真係好重要😣😣！🔸除左Global Business依科Business神科，唔知你地仲諗起邊科呢🧐？我估最多人諗起嘅應該就係Qfin 同埋 Blaw 啦～ 咁就等小編推薦2個Jupas programme俾大家，包括: CUHK嘅QFRM 同埋 HKU嘅Blaw😎。4️⃣CUHK QFRM 🌟中大QFRM課程係由財務學系與統計學學系合辦，結合兩個學系所舉辦兩個課程 — 計量金融學與風險管理科學課程嘅優勢與特色，信譽卓著😎。此課程亦提供嶄新嘅培訓，當中涵蓋商業與財務、風險管理科學、數學與統計以及電腦應用。同時，學生亦必須修讀學院課程和行業實習有關嘅科目。同學可以透過實習計劃，加入夥伴公司接受在職培訓。實習計劃為學生提供寶貴機會，走出課室，親身感受職場環境，同學係畢業前平均都有三次實習機會㗎😉。5️⃣HKU Blaw 🌟Blaw唔係讀商業嘅法律，亦都唔係讀法律有關嘅商科，而係兩邊都要讀😆。Blaw學生讀嘅嘢同 BBA、LLB 學生讀嘅核心課程一樣，唔會因為呢個係雙學位而讀少咗嘢。BBA 方面，blaw 學生 Year 1 嗰年會同所有 BBA 學生一齊讀商學院嘅核心科目，到咗 Year 2 就可以揀讀自己有興趣嘅Major, 包括有六科可以揀的。 LLB 方面，Blaw 學生讀嘅核心 law courses 同所有 LLB 學生嘅都一樣。不過 LLB 學生用4年完成所有 Law courses, Blaw 學生就有5年時間去讀😎。介紹完5大Jupas Business搶手神科啦，都預祝各位入到心儀學科啦！🥳🥳🥳更多資訊留意 @career.hackers 🌟