【🐊索羅斯狙擊香港〽️】喺新冠肺炎席捲全球嘅疫情下，經濟低迷，股票市場亦曾經大跌📉，有唔少人都將今次嘅情況同97年金融風暴相提並論，可能大家喺97年金融風暴嘅時候仲未出世，唔喺好知發生咩事😯，但唔緊要！今日就等小編同大家講下「金融大鱷」喬治·索羅斯(George Soros)點樣狙擊香港，同埋香港政府當時又點樣將呢隻大鱷擊退🔨喺1997年，大量資金急速流入東南亞市場，形成資產泡沫〽️索羅斯同其他投機者睇中呢場資產泡沫，利用了市場嘅價格失衡，透過拋售東南亞貨幣同其後嘅人群恐慌心態，從中獲取利潤，唔少東南亞國家例如馬來西亞、泰國等嘅經濟同貨幣都被索羅斯擊倒💣索羅斯喺東南亞市場投機成功後，佢將戰場移師到香港，希望利用香港嘅聯繫匯率制度🔗，利用投資者對香港市場同港幣失去信心，再重施故技，希望將佢擊倒東南亞市場嘅局面重演，而從中賺取巨額利潤📈。索羅斯瞄準港元同美元嘅存款利率息差，使用「雙邊操控」策略，即喺沽出港元買美元同時拋售恒指期貨，從而衝擊聯繫匯率同股票市場🧨。索羅斯喺1997年8月對香港發動首輪攻勢，瘋狂拋售400億港元，前金管局總裁任志剛以挾高利息應對索羅斯嘅攻勢，Overnight HIBOR一度抽高至280厘嘅水平😰。因為做空港元嘅成本急升，索羅斯因此而收歛咗一段時間，亦紓緩咗資金流出港元嘅情況。但同時香港嘅借貸成本亦遠高於索羅斯來襲前，長期落去將會為香港嘅實體經濟同金融系統帶嚟負面影響😣。過咗一年都唔夠嘅時間，索羅斯喺1998年8月左右又對香港發動第二輪攻勢，再次大幅沽空港元同期指，令到金融市場同公眾都開始恐慌😖。金管局吸取咗上次嘅經驗，調整咗策略🛠。一方面喺外匯市場作出干預，保持港元同美元嘅匯率不變🔗。另一方面喺股票同期貨市場動用外滙基金入市，買入大量港股藍籌同期指，成功推高港股，從而令索羅斯嘅攻勢唔能夠得逞，成功將呢隻大鱷擊退😤。港府呢一役雖然成功捍衛到港元，但同時亦重創香港經濟，用咗一段時間先令經濟逐步回穩🤧。相信今日大家都上咗一堂歷史堂，了解到「金融大鱷」索羅斯當年點樣狙擊香港同東南亞市場，同埋香港政府點樣出招應對呢隻大鱷🔨。如果大家想了解多啲金融市場嘅知識，同埋攞多啲相關嘅工作經驗，就快啲報名我哋同一間對沖基金合作嘅Global Markets Externship啦!