「雙11」親生阿爸由PwC 到坐上阿里巴巴CEO之位曾經話「入Big4係揀錯第一份工」？🤔Big 4 對唔少搵實習或剛畢業嘅同學來講都係唔錯嘅選擇，因為佢career progression 穩定而又清晰，又可以俾到好多exposure、network及機會同學💎。不過都有唔少同學會擔心，做咗Big 4就會幫自己career path 定形，或者好快劃出一個comfort zone，比較難再轉其他工或轉行。今日就想同大家分享一下馬雲接班人－ 張勇嘅career path📝，睇下佢係點樣由PwC會計師做到入阿里巴巴做CFO及CEO，以及對佢來講PwC 係點樣嘅一份工同4大職場哲學，俾各位有意響business & finance 發展嘅同學做參考！先講講張勇係個咩人。張勇畢業於上海財經大學金融系🎓，未入阿里巴巴前佢曾喺上海PwC會計師事務所任職💼，後來先至加入遊戲開發運營商「盛大互動娛樂」，再轉到淘寶做財務長、慢慢晉升到首席運營官兼總經理。要數任內最威水，莫過於spearhead「雙11」呢個全球最大型嘅網購活動👑，同埋推動淘寶手機平台，成為公司最大嘅revenue stream💰。咁因咩事佢會話覺得入PwC係「揀錯工」呢？🎯呢個就要提到張勇同 Mckinsey 嘅對談入面，分享有關領導風格時，講到佢同馬雲性格及作風南轅北轍，被人形容係比較soft spoken ＆ reserved。張勇反駁話唔覺得自己係「reserved guy」，不過唔少人知道佢係做auditor出身，所以第一印象就覺得佢好保守🧑💼，於是就成日講笑話「maybe I picked the wrong first job」。不過張勇就覺得PwC俾左佢好多機會佢學基本技能，同埋接觸到唔同行業嘅客戶，打開咗之後career 嘅可能性。咁比起馬雲嘅大膽，有北京大學商學教授都話，張勇相比之下就似係個精明嘅戰略家同經營者📊，其實都間接都幫佢奠定今日嘅成就。而張勇過往都分享過唔少對於leadership及職涯嘅人生觀，相信對business ＆ finance 嘅同學都好有啟發性！1／Management 不等於 leadership📍張勇曾經講過，Manager係負責經營同設立KPI，拎返預期嘅成果；但領導人唔係，佢唔只係睇results，仲要帶領團隊設立未來方向，「如果我只一個出色嘅Manager，我諗阿里巴巴都都唔揀我做CEO」。2／有競爭先係「幸運」🏅商業競爭激烈並唔係壞事，而係幸運嘅事。張勇話連訓覺時都要保持清醒，不斷學習同創新。佢覺得最差嘅情況係，當你覺得自己喺某一個市場或行業，成為唯一一個market leader，uncontested，就一定好快撞板。所以要成日都提醒去re-invent自己，「如果唔殺死舊有嘅自己，殺死我哋嘅就會係對手」。3／研究未來而非過去🔎要訓練自己考慮長期嘅結果，而唔止係短期目標。否則你就唔會考慮事情會點樣變化，從而錯失關鍵嘅機會。4／知道幾時要all-in 而且唔好怯！🎩就好似玩Poker一樣，一個好嘅Leader要好果斷，同埋知道幾時要「訓身」。關鍵時刻有時係需要失去一切才可以逆轉勝。咁張勇請人嘅時候最睇重咩特質呢？🧩佢曾經話過公司係要請「冒險家」，而唔係請「員工」，佢唔會請一啲只係想要一份工同出份糧嘅「短視」求職者，特別係請M-Grade或C-Grade時，佢會同candidate講，「我不可以保證你會成功，但我可以保證你會經歷一次冒險」，希望20 或 30 年後佢可以同孫子孫女分享，而張勇話呢個方法又真係幫到佢請到好多有新思維嘅人。所以講到尾最重要都係心態決定高度。Career Hackers 都希望同學有時唔好太緊張、過度執着CV上一兩句微細字眼，或者只係為短期內填充resume而咩工都亂殺，而忽略咗真正big picture－ 你career將來想點發展，想見到一個點樣嘅自己，再reverse engineer 睇吓自己每一步行動差啲咩，排好先後次序divide and conquer📌。不過都明白同學始終經驗唔夠，唔係個個都識得plan career，所以鼓勵大家了解career coaching，以coaches 最豐富嘅前線經驗幫你做指路明燈，其實最終都係投資緊自己啊，想知多啲就到Bio Link Book 個免費一對一Consultation Call 傾傾啦🏆！