【美國秘密武器 衝擊香港資金？！】上次個post同大家講完港區國安法實施後對香港經濟方面有咩影響📊，其實好大程度取決於細節條文內容同其他國家點「強硬回應」法。而美國總統特朗普已經作出回應。（如果未睇記得去睇翻之前啲posts 喇!😆 ）而美國最近甚至傳出有可能透過封鎖環球同業銀行金融電訊協會（SWIFT）🗣嘅金融交易系統制裁香港。消息傳出後連日本財政大臣麻生太郎⛩都話，呢個舉動會對香港產生重大衝擊並影響資金流動。但到底咩係SWIFT? 對我哋又有咩影響?🤔環球銀行金融電信協會（Society for Worldwide Interbank Financial Telecommunication）係1973年成立，係國際銀行同業間嘅合作組織。接入SWIFT嘅各銀行及金融機構可以透過電報轉換系統，更快咁傳送同接受匯款指令💬。簡單嚟講，目前銀行同銀行嘅交易💱，大多都要經過SWIFT作交收㗎🤓。SWIFT每日處理嘅交易仲覆蓋全球大部分🌐以美元計價的跨境交易。宜家全球有過萬間銀行接入SWIFT㗎! 🤯事實上，美國早已經用過呢招制裁唔同國家喇!😰 2018年11月美國曾經禁止受制裁的伊朗金融機構使用SWIFT，限制伊朗用美元進行交易。除咗伊朗，過往美國亦曾經取消北韓同俄羅斯多間金融機構嘅SWIFT使用權。😧由於現時香港幾乎所有銀行都係SWIFT嘅成員，例如恒生、滙豐、中銀同渣打🏦等。假如香港嘅銀行無得用SWIFT系統，將無法透過SWIFT 同世界各地過萬間銀行交易，令香港國際金融中心的地位受到大大打擊😨。不過，由於制裁係基於美金嘅交易，呢招其實係一把雙刃劍嚟，對美國自己亦會構成重大傷害🤕。到時在港嘅美資機構同在港生活嘅美國人都無一倖免。所以美國最後會唔會採用呢個強硬制裁方法依然存在未知之數🤨。國安法未正式實行，已經令到香港滿城風雨，前景變幻莫測。今日可能仲相安無事，聽日起身又唔知會點......😵 如果想緊貼國安法嘅影響同中美對峙嘅最新局面🤬，令自己可以第一時間諗清楚搵工嘅佈署，就快啲去download 🤳我哋個app 「Career Hackers 」 啦🥳! (link in bio)