想入行Hedge Fund 你不能無聽過 Bill Ackman 同佢嘅瘋狂史🔥

想入行Hedge Fund你不能無聽過 Bill Ackman 同佢嘅瘋狂史🔥Hedge Fund 除咗人工高，有唔少同學都會set 佢為ultimate career goal，相信其中一個原因都係因為覺得呢一行非常剌激，真係可以做到秒秒幾百萬上落。今日就想同大家分享一個好出名嘅Hedge Fund Manager Bill Ackman嘅事跡，俾大家睇下佢個「坐過山車式」嘅career～其實響HF界咁癲嘅事真係成日都會發生哦！首先邊個係Bill Ackman？講吓佢最近嘅威水史先啦！喺2020年初疫情啱啱爆時，股市大跌，個個都蝕大錢不知所措嘅時候，唯獨有一個Hedge Fund Manager喺逆市賺26億美元，嗰個就係Bill Ackman，Pershing Square Capital Management嘅創辦人及CEO。其實 Bill Ackman本身讀文科，出咗嚟做嘢後先慢慢對投資有興趣，於是去Harvard讀MBA之後，就成立自己嘅第一間投資公司。唔同Hedge Fund Manager嘅投資策略可以好唔同。Ackman style就係專揀一啲被低估嘅公司，再大手買入呢啲公司嘅股票成為大股東，然後積極involve喺呢啲公司嘅管理，又會用唔同嘅投資策略向呢啲公司嘅管理層施壓去改善公司營運，甚至介入CEO嘅更換，以達到目的。佢呢種積極干預嘅style被稱為「activist investor」，為佢賺取唔少利潤，Forbes更加喺2015年封佢為小巴菲特(Baby Buffett)。不過佢career 梗係唔係一開始到而家都順風順水啦！Ackman都有失敗過，就係喺2012至2018年期間做空（short selling）Herbal Life（HBL），搞到自己蝕近5億美元，呢單嘢仲俾人攞嚟拍咗紀錄片《Betting on Zero》。Short selling（做空）係一個以「股價會下跌」為前提嘅投資策略。Short seller首先向其他人借入股票，再喺借入價（e.g. $100）將股票賣出。當股價大跌嘅時候，Short seller就可以用低價（e.g. $5）買返啲股票，從中賺取利潤（$95）。喺2012年時，Ackman發現保健產品公司Herbal Life（HBL）原來係靠層壓式銷售賺錢，根本無大家想像咁有價值，於是佢決定short sell HBL，仲公開話批評HBL，預言股價會跌。一如所料，HBL嘅股價喺幾日內跌咗34%。Bill Ackman VS HBL VS Carl Icahn 三角大戰本來Ackman可以賺到盤滿缽滿，但係佢嘅大敵，另一個股壇大鱷Carl Icahn無啦啦殺出來唱反調。Icahn喺電視台公然挑戰Ackman，仲不斷買入HBL嘅股票，令到HBL嘅股價不跌反升。隨著股價上升，亦都更加吸引市場上其他投資者繼續買入HBL。如果HBL股價升穿本身嘅借入價，short sellers就會蝕錢。為咗避免呢樣嘢發生，short sellers唯有儘快回購股票。但係諷刺嘅係，當所有short sellers都同一時間回購緊，就會更加推高股價，加大機會蝕錢，形成「short squeeze」。為咗唔好俾short squeeze發生，喺2013至2018年間，Ackman嘗試用唔同PR同法律手段控訴HBL嘅營運模式。但係隨著美國監管機構FTC撤銷對HBL嘅調查，HBL嘅股價亦都隨即上升，Ackman結果蝕近5億美元離場。呢件事之後，有人感覺到Bill Ackman嘅投資策略開始改變，無以前咁激進。Ackman自己都話：「Experience is making mistakes and learning from them」蝕錢唔緊要，因為好快就賺得返，但係最緊要係學到嘢。一開始，Ackman決定做空HBL係基於fundamental analysis，認為HBL嘅實際價值低於市價。但係作為institutional investor，落每一個投資決定，除咗要睇fundamental analysis同technical analysis之外，更加重要嘅係留意市場上嘅其他player同埋佢哋嘅動態。就算好似Bill Ackman咁對market咁有見解，如果唔將market player納入考慮，一樣會中伏。Fundamental analysis同technical analysis大家睇多啲YouTube都可以學得識理論，但係market action就真係要靠經驗喇。對於有興趣入行Hedge Fund嘅你，呢一行響現時經濟環境下未來會點樣演變，一個Fund Manager又會點樣分析市場動態，想知的話，就記得留意我哋下個星期二（3月28日）4pm 嘅fireside chat啦！我哋邀請咗 top Hedge Fund Manager Benjamin，分享下佢歷年來嘅經驗，同學仔亦都有機會直接問Benjamin 偷師，或者只係想簡單問吓career 其實都可以！快啲去我哋個bio link register啦～