唔好玩GPA! 臨急抱佛腳都要有效! 6個考Mid-Term 準備貼士

唔好玩GPA!臨急抱佛腳都要有效！6個考Mid-Term 準備貼士踏入10月中，相信唔少同學開始感受到大學Sem 1嘅「死亡期」😫，呢頭先寫完學校Papers，果頭要準備Recruitment season，瘋狂申請實習練面試，呢個時候，Mid-term 時間表就會登場！考出黎成績都佔你GPA起碼3－4成，唔想Last minute 決定裸考或等爛grade影響你之後報工，以下6個備戰貼士大家袋定提早準備啦😎！1️⃣：計劃溫書表間表＋Test Day Strategy時間呢啲嘢好易hea hea下就無，計定自己幾多科要溫幾耐，逆向規劃一下時間表🗓，亦可知道自己幾時可以放鬆下玩得盡興啲，不過整好時間表就一定要跟！好多更醒嘅同學係連一場考試都會整時間表，即係Test-Day Strategy⏱。最簡單就係用特定幾分鐘去快閱成份卷，instruction有咩唔明都可以舉手問考官clarify咗先，計劃有邊條係送分題可以答咗先、邊幾條係又要case study又要計數又要寫essay，留最 time-consuming或point values 好低嘅問題到最後先做。當然呢套咁down to minute 的做法唔係人人一來就上手⏳，咁就好靠下一個Point 你準備有幾足啦！2️⃣：打聽考試詳情有唔少好心 Professors 上堂會提同學Mid-term cover幾多topics📃、重點考大家邊一方面嘅嘢、建議大家要準備啲咩、format係open book定closed book、essay type 定MC等等，如果Professor無講，就自己問多兩句，多數佢哋都唔會咁鐵石心腸咩都唔講嘅🤍，真係唔肯講，或者佢其實唔知，都可以問下師兄師姐組爸組媽等等拎Past papers 或貼士！之後就可以自己做mock，計時同埋試下計劃Test-Day Strategy。3️⃣：整筆記／Flashcard如果同學上堂有神心抄筆記，或有整理筆記習慣，點都好過臨急成本書／Notes 續字塞入腦。同學不妨將最常用嘅formula、常犯錯誤、精華重點等，寫落一細疊Flashcards度（唔好整到字典咁厚）🔖，整嘅過程不但可以當重點溫習，考試前亦可快望多眼提醒自己。唔建議臨考前幾個鐘好似隻牛咁運哂所有notes返學📚，因為唔會睇得哂，而且仲增加自己體能負擔。4️⃣：組隊溫書👯👯溫書都可以組隊有策略地做！每個人負責溫一Part，再搵時間圍埋霸個study room 互相present，可能聽朋友講比聽Professor講更有心機，有錯有漏都可以互相提點，大學已經唔係中學咁會排名次，大家一齊考好個試絕對有so！進取啲嘅同學仲可以請埋Professor加入presentation🛎，有咩可以即刻問，有錯都唔使等到錯響份卷上面！可能唔少Career Hackers嘅followers 都有讀finance嘅courses，要求你要集邏輯、耐性、strategic thinking 同 extensive analytical skills於一身，有唔少同學經驗話返俾我哋知，平日同佢做AC 或 Case studies 嘅資訊及Training意外地有用⭐️，因為唔係textbook內嘅舊figures，亦唔會出現理論同實踐之間嘅斷層。5️⃣：改變溫習環境有無人都試過明明屋企溫到倒背如流，一返到學校就好似無溫過一樣？如果大家都有呢個「記憶遺留」問題，不妨試下換個環境溫習📝，例如今日去自修室，聽日返學校「摺拉」，後日返屋企溫等等，習慣要知識係唔同地方都用到，跟住你走！而且來回唔同地方都可以幫你個人break 一break。得閒換吓幫助記憶力嘅途徑都可以試一試，例如市面上有好多免費app／games，練下簡單心算同邏輯，其實都可以幫你warm up個腦，仲有機會增強記憶力或visualisation能力，記字記graph都容易咗！6️⃣：點都要瞓覺／適當休息相信大家都有聽過瞓覺可以幫人整理記憶🛌，如果你通頂硬塞大量資訊入腦，有機會好快唔記得又或者積累太多壓力，符碌一下可能頂到今個mid-term，但長遠嚟講，研究都證實過，睡眠不足會影響大腦排毒能力，令人處事速度減慢、專注力、記憶力下降等。最近坊間都有流傳各種提升專注力嘅方法，例如「番茄時鐘法」（Pomodoro Technique）🍅，即重複25 分鐘高度專注加5分鐘休息呢個pattern，每兩個鐘後放個更長的Break，等大腦可以唞唞，但呢啲方法好講規劃，並唔係每個人都work，最緊要都係搵到適合自己嘅來用！最後祝大家mid-term 順利～之後過三爆四！大家有咩學習心得都可以留言交流一下～但如果同學見到自己GPA炒炒，對搵工好無信心，又或者明明GPA爆4，搵工卻無回音，呢d case就要仔細搵出問題根源同埋有效方法去計劃下一步啦⭐️，即刻搵我地Book 個call傾傾啦！Bio Link 第一條就卜到嘅啦～