升得高層都有個MBA?🎓 好似行業潛規則 📚 點解個個爭著讀？

升得高層都有個MBA?🎓 好似行業潛規則 📚 點解個個爭著讀？如果得閒無聊碌LinkedIn，你會發覺好多出咗嚟做嘢3、5、7年嘅朋友都會有個MBA degree，又或者讀緊一個MBA Programme：有外國、有本地、有Full Time亦都有Part Time，搞到自己都喺度諗係咪要讀返個。唔知幾時開始，一個MBA degree就好似自自然然喺大家心目中，一個升職做管理層甚至乎senior management必備嘅條件之一。事實上，有好多大公司高層有呢個degree，喺2022 Fortune 1000嘅list入面，有40%嘅C-level都係MBA grad！出咗嚟做嘢嘅大家都應該明白一個degree其實唔會保你一定升職，既然係咁，點解每年依然有咁多人爭著去讀呢？今次就等我哋介紹下MBA點樣成為世界趨之若鶩嘅degree啦！登上世界巔峰嘅degree第一個MBA（Master of Business Administration）Programme係1908年由美國哈佛成立。喺MBA出現之前，一般大家都會覺得business係邊做邊學無得教，所以呢個programme都幾前衛。呢一百年間，MBA累積咗唔少好成功嘅畢業生，當中不乏大公司嘅CEO、獨角獸startup嘅founder，就算唔係手執牛耳，好多MBA嘅畢業生都穩入名牌consulting firm或者high finance，令大家不自覺將MBA同成功人士劃上等號。呢個亦都係點解大家印象中，要喺商業世界成功 / 做到高層就一定要MBA。唔知係咪多咗MBA學生以晉升為目標，好多MBA Programme除咗會教一啲商業知識外，更加著重leadership同management嘅技能培訓，培養大家成為下一代嘅高層。做高層已經唔再係自己一個人做好手頭既工作，點樣管理下屬都係一個學問，依家個個都講Future of Work，面對未來職場環境變革浪潮，點樣可以用不同既溝通方式去帶領唔同性格、背景、work style嘅下屬完成佢地既工作，呢個亦都係好多依家MBA會探討嘅topic。成為高層唔一定需要MBA，但係好多人都會瞄著MBA，因為呢個degree俾到大家喺份工入面未必攞到嘅career capital！跨行業知識： 留喺一間公司 / 行業耐咗，往往越做越專，眼界亦自然收窄。偏偏做管理層就要識得睇闊啲、睇遠啲，先可以有perspective為公司未來出謀獻策。MBA無論喺上堂定實踐，喺功課定係同其他同學嘅interaction，都會接觸到其他行業嘅動態 / 知識，等大家以跨行業嘅眼界，喺職場上凸顯自己嘅優勢！Network！Network！Network！：其實大家undergrad嘅時候都已經明白上堂唔係為咗上堂，同樣道理，MBA最幫到大家手嘅除咗係knowledge之外，更加係你同班同學，甚至乎alumni圈子嘅network。無論大家想轉行、升職、或者白手起家，往往都需要貴人相助。呢個時候，MBA俾到你嘅connection就係最難能可貴嘅asset！即時實踐：以前讀MBA，大家就可能要離職放棄依家嘅工作。不過隨著各大院校越黎越多Part Time Programme，大家都可以零opportunity cost咁去進修。既唔使放棄依家份糧，又可以係職場實踐課堂學到嘅知識 / 技巧，一箭雙鵰！就好似HKU Business School嘅Part Time MBA Programme咁，集齊以上三大優勢不突止，佢哋嘅課程更加站喺商業世界嘅尖端，cover ESG、impact investing、AI、Blockchain等等嘅topic，再輔以Executive Development Workshop等實踐機會，等大家即使身處機構不同崗位，都更有信心可以好快plug and play應對，就算個business環境不斷update你都係ready to tackle！嚟緊佢哋將會喺9月27日做一個「Part-time MBA課程簡介會」webinar，到時除咗有課程總監講解課程內容、收生準則、獎學金外，更加可以等你更深入了解在職人士點樣平衡工作同進修，以及MBA點樣喺職場為你帶來機遇和優勢，名額有限！喺職場交叉口，諗緊讀唔讀MBA好嘅你，就唔好錯過，去我哋bio link報名webinar了解一下喇！