內地政府唔俾國企用Big4 200億營收就咁無曬？

內地政府唔俾國企用Big4200億營收就咁無曬？喺內地做生意真係唔係話咁易，各種各樣嘅潛規則大家都聽唔少，如果唔小心激嬲啊爺，一個罰則埋嚟，真係賠本賣家當都未必拆得掂。今次，就輪到Big 4四大會計師事務所遭殃。就喺最近一個月，中國財政部就同啲國企做「窗口指導」，唔俾再用Big 4做審計工作。可想而知，如果Big 4喪失國企客戶，對佢哋嘅業務，甚至乎大中華嘅hiring headcount都會有好大影響！今次就等我哋簡單介紹下件事嘅來龍去脈，等搵緊工嘅咁多位同學仔都可以知多少少Big 4嘅前景同走向喇～點樣禁用法？雖然無話立法禁用Big 4，但係大家都明中國財政部嘅「窗口指導」有一定強制力。內地政府要求國企唔可以再任用Big 4做任何會計/審計工作，而要轉用中資/香港會計師樓嘅服務。個政令本身就無deadline嘅，但係就expect佢哋要喺contract完咗之後轉會。同時間，佢亦都無限制國企嘅離岸公司唔俾用Big 4，所以對於國企嘅外國分部就無咁大影響。影響1：RevenueBig 4喺大陸嘅業務就當然首當其衝啦，因為好多國企都係用緊Big 4，例如中移動就用緊KPMG，而中海油就用緊EY。話就話啲contract無咁快完，距離所有國企phase out曬Big 4嘅服務仲有啲時間，但係始終Big 4喺大陸嘅combined revenue有成200億人民幣，就算慢慢流失啲客戶都好慘烈。掉返轉，Big 4嘅業務就因為咁轉移咗俾啲中小型嘅中資會計師樓，接多咗超過20單deals，成為呢個policy下嘅大贏家。影響2：外國投資不過，中小型會計師樓嘅quality就比較良莠不齊，甚至喺近年，深圳證交所都對佢哋嘅服務質素表達關注。轉用中小型會計師樓之後，投資者可能會因為咁質疑呢啲國企盤數，變相亦都無咁有意欲投資佢哋。呢個亦都係中小型會計師樓好難超越Big 4嘅位，因為Big 4往往subject to好多唔同監管機構嘅regulation，亦都透過長年累月嘅高質服務同industry建立咗legacy of trust。點解會禁用Big 4？其實如果要追本溯源，就要講到長久以來大陸同美國嘅審計爭議。事緣內地政府向來比較擔心國企嘅數目俾外國會計師樓審查，會引發國家安全危機，所以就算喺美國上市嘅國企，都一直唔肯跟足美國嘅auditing standard，而美國喺2020年就威脅如果唔跟嘅話，就delist曬美國stock exchange嘅200幾間國企。直接舊年，兩國先達成共識，容許美國當局指示Big 4去徹底審核國企嘅帳目，個爭議先告一段落。有消息人士話，今次內地禁用Big 4都係因為怕國家機密流出，所以先至提防同外國有連繫嘅Big 4做國企嘅audit，亦都可以藉機帶動本地會計師樓嘅業務。不過亦都有評論認為唔係每間國企都關係到國家機密，而且會計師樓都有cofidential agreement，無需要因為咁而一刀切唔准用Big 4。同學可以點準備？無論點都好，相信Big 4大中華區嘅業務都會大受影響，需要重新思考下佢哋喺大陸嘅定位同長遠策略，對於佢哋大中華嘅headcount都會有影響。如果同學嘅目標係想入Big 4嘅話，就要留意下邊間Big 4做最多國企生意，咁個policy對佢哋嘅影響亦都最大，好可能最多headcount cut。同時間，Big 4喺呢啲難關下請人，都一定會期望啲candidate唔係懵懵下嘅newbie，而係一上場就能夠成為即戰力嘅staff。咁所以，如果你能夠喺interview表現到呢個policy點影響佢哋嘅corporate development、可以點樣diversify佢哋嘅業務去offset呢個political obstacle、又或者危機之下有啲咩opportunity，咁就會show到你係一個mature嘅candidate，同其他同學唔一樣。如果平時唔留意呢啲事態發展，無一個long-term mindset，分分鐘自己踩咗落個career sinkhole都唔知，若干年後想跳出來都無人幫到你。所以我哋每個禮拜都精選世界各地嘅重大新聞WhatsApp俾我哋coaching programme嘅學生。我哋嘅Big 4 Insider同大灣區expert亦都同我哋嘅同學仔分享緊一啲in-depth analysis，甚至喺assessment centre practice都已經滲入咗呢啲新嘅case俾佢哋實戰討論。無論你係咪想入行finance都好，如果你能夠培養到自己嘅market sense，可以隨時隨地對任何market狀況都有自己嘅insight，都係一個好重要嘅skillset。想知道多啲可以點先train up到呢方面嘅能力？不如去bio同我哋book個call睇下我哋有咩幫到你啦～