一文睇清Big 4 Deal Advisory職位細分＋請人要求

一文睇清 Big4 Deal Advisory 職位細分＋請人要求之前都有介紹過Big4除左做會計同Audit，仲有其他專業服務，今次就同大家深入講其中一瓣：Deal Advisory ( 下稱DA)！咩嚟❓DA 係指一啲專業服務公司，為客戶提供建議同支持，幫佢地買/賣一個Business、傾商業合作、資助或修復企業一啲運營或財務問題。由多個專責嘅小組喺整個交易Cycle，由Pre-deal到Post-deal，提供：諮詢、策略、企業融資、Due Dilligence、Capital Markets、M&A、估值、運營、重組等。而 Big4 之中嘅 DA（間間分法同叫法都有啲唔同：Transaction／M&A／Financial Advisory…）一般都會再細拆成 1️⃣Transaction Services、2️⃣Valuations、3️⃣Deal Strategy & Operation、 4️⃣Corporate Finance 等幾個再專啲嘅Branches。Advisor要以「投資者視角」去檢視個deal，幫客戶最大化個投資回報，諗埋有咩策略去優化＆增加資本，亦要去了解及分析目標公司的商業模式、過往財務、盈利、成本同埋日後影響因素等，提醒買方喺收購前，要注意事項同埋風險，協助買方更準確地估價同寫交易文件。平日有咩做❓🔎Transaction Service(TS)TS 主要為每個交易嘅買賣、財務、商業、營運方面畀建議，擴大回報確保佢符合住整個企業目標，有時亦係客戶嘅首要接頭人。而當中 Due Dilligence 調查買賣雙方嘅財政同交調查報告都係 TS 喺M&A中最重要要做的事。而呢份報告都會成為交易時嘅定價基準同埋評估風險核心之一。如果公司環境好做好多交易，咁TS都會係DA中最忙嘅Team，有時仲要通頂做埋星期六日，因為通常M&A啲死線都特別Tight。🛂由於Tight Deadline關係，部門多數都要求同事一落場就唔使教兼好打得，所以傾向由Audit抽調同事去做。所以請畢業生時可能會要求佢去其他部門做住一兩年先儲經驗，績效好又考哂CFA 牌，就有機會調入去。🔎Deal Strategy & Operation(DSO)DSO負責喺整個交易過程中，為客戶提供營運同M&A嘅策略建議，仲需要跟進整個交易執行。DS有時同Consulting 部門都似，通過市場動向，評估被投資嘅對象嘅企業計劃&，提醒客戶佢所做嘅投資係唔係有價值。而Operation 就主力人力資源、IT Due Dilligence等服務，雙管齊下。🔎Corporate Finance(CF)CF 嘅服務對象主要係政府、Private Equity、私人家族事業、Sovereign Wealth Fund同教育機構，處理佢哋嘅財務，從管理現金、短期借貸、投資規劃及分析、資本配置。舉個例，如果個客要搞Fund-raising，CF就要幫佢準備Pitch Book，加同其他DA Team同事合作。🛂 要喺CF度做，要好熟資本市場，包括債務和股權，亦都要同客戶建立良好關係。工時好取決於 Deal Flow。HR會好睇重想入呢Team 嘅人有無好強的Soft Skills，如果有投資銀行底嘅人都有優勢。🔎Valuation負責估值的同事多數都被認為係Technical Experts，擅長做Quantitative Analyst，Finance Modelling同有CFA及FRM等等嘅牌，會幫公司業務、財政資產估值。近年愈來愈多公司項目，例如金融工具、上市和非上市投資、無形資產等，都要有第三方公證人去估價，再記錄喺公司資產表或財務報告上，以提供公正透明的保證畀其他投資者或Regulators，而呢啲數據亦提供咗好大嘅參考畀審計嘅同事。正因為咁，佢哋嘅Peak Season都會同Audit好近，落喺每年1至4月。條Team都負責為M&A Deals 估算投資對象嘅價值，仲會提供專業會計(US GAAP & IFRS等)、稅務、資產管理等服務，支持客戶決策。🛂同事要好熟財務建模與技術，例如 Discounted Cash Flows、Option Models…etc。所以如果你係讀Finance、Stat.、會計出身，又考到CPA／CFA／FRM 就有優勢啦。同樣，都係興響Audit 度撬人。🔎 其實DA仲有個部門負責Business recovery services，同其他部門好唔同，個市好就多啲嘢做？BRS就相反，喺人哋公司最差嘅時候先進場，幫手計劃變賣資產、債務重組、搵白武士等等，令公司繼續生存。真係救唔到，法庭就會指派BRS頒令清盤。要做BRS，如果有會計、法律或Admin經驗就係plus喇。DA會開新位直接請新人真係少之又少，同學如果有意呢行發展，Big 4每年都會開類近Grad Program畀同學報名，暫時EY同PwC都仲有Openings，要把握時間同機會啦！想知其他部門或想更深入了解BIG4，留意話我哋知、Follow Career Hackers同埋去Link in Bio參加我哋個Free Webinar 啦！